Ooccâmiʹlmmtõs: Riikkveäʹǩǩteäʹǧǧ sääʹmǩiõllsaž ouddpeâmm jäʹrjstummša

Mättʼtõs- da kulttuurministeria lij miõttâm Sääʹmtegga 240 000 euʹrred sääʹmǩiõllsa ouddpeâmm tuõrvvâm vääras. Mieʹrrteäʹǧǧ kuâskk säʹmmlai dommvuuʹdest (Aanar, Uccjooǥǥ, Jeänõõǥǥ kooʹddid di Suäʹđjel kååʹdd tâʹvvbeäʹl) jäʹrjstemvuâla sääʹmǩiõllsa ouddpeâmm.

Sääʹmteʹǧǧ tåimm riikkveäʹǩǩveʹrǧǧneʹǩǩen Sääʹmteʹǧǧlääʹjj (414/2025) meâldlânji. Sääʹmteeʹǧǧ tuâjjriâššmõõžž mieʹldd ouddpeâmmluʹvddkåʹdd tuʹmmai riikkveäʹǩǩtieʹǧǧ juâkkmõõžžâst. Sääʹmteeʹǧǧ tuʹmmstõʹǩǩe väärai âânnmõõžžâst jiijjâz tåimmjummša ij vuäǯǯ ooccâd muttâz lääiteeʹl. Sääʹmteeʹǧǧ miõttmid veäʹǩǩtieʹǧǧid suåvldet riikkveäʹǩǩvuõttlääʹjj.  (688/2001).

Veäʹǩǩtieʹǧǧ miârktõs

Miõttum riikkveäʹǩǩtieʹǧǧin oouʹdeet ouddpeâmmlääʹjj täävtõõzzi teâuddjummuž. Päärna vuõiggâdvuõđâst ouddpiõmmu di tõn täävtõõzzin šiõtteet ouddpeâmmlääʹjjest (540/2018). Lääʹjj 8 § 1 momeeʹnt mieʹldd kååʹdd âlgg ââʹnned huõll tõʹst, što päärnaž vuäitt vuäǯǯad ouddpeâmm päärna jieʹnnǩiõllân mainstem lääʹddǩiõlin leʹbe ruõccǩiõlin leʹbe sääʹm ǩiõll-lääʹjj (1086/2003) 3 § 1 pääiʹǩest jurddum sääʹmǩiõlin. Sääʹm ǩiõll-lääʹjj 3 § 1 pääiʹǩ mieʹldd sääʹmǩiõlin juuʹrdet aanarsääʹm, nuõrttsääʹm leʹbe tâʹvvsääʹmǩiõl mainstem ǩiõlâst leʹbe vuõss-sâjjsaž täävtõsjooukâst ǩidd ååreeʹl.

Ooccâmââʹntemvuõtt

Veäʹǩǩtieʹǧǧ vueiʹtte ooccâd sääʹm dommvuuʹdest åårrai kååʹdd, kook jäʹrjste sääʹmǩiõl jieʹnnǩiõllân mainsteei päärnaid jurddum ouddpeâmm.

Ooccmõš

Ooccmõõžž âʹlǧǧe tååimted Sääʹmtegga neʹttpååʹšt pääiʹǩ addrõʹsse: info@samediggi.fi

Ooccmõõžž âʹlǧǧe leeʹd mieʹrrpääiʹǩest mââimõõzzâst 30.6.2026 čiâss 16.

Ooccâmlomakk

Sääʹm ouddpeâmm teäggtõsvuâđ

Ooccâmlomaakk liâ tååimtum ouddpeâmm jäʹrjsteeʹj sääʹmvuuʹd kooʹddid.

Lââʹssteâđ

Lââʹssteâđaid oudd:

Niina Aikio-Siltala
Sääʹm ouddpeâmm pedagogiikk äʹšštobddi
niina.aikio-siltala@samediggi.fi / 040 487 5414