Bodø kirdempäärtist 50 ihheed – Sämitigge muštá päärtist jáámmám ulmuid joskis puddáin já soroliipputmáin
Snåsa sämikonferens 1974. Čiž. Nils-Aslak Valkeapää, Juhani Nousuniemi já Pekka Lukkari. Kooveest láá kuárus sajeh, ko airâskode lappum jesâneh váilojeh sajestis. Kove: Juhani Nousuniemi arkkâdâh
Vuossaargâ 24.6.2024 puátá 50 ihheed Bodø kirdempäärtist, mast láppojii vittâ Säämi parlament jeessân já kirdemmaašin kirdee.
Säämi parlament jesâneh lijjii maađhâšmin tave-eennâmlii sämikonferensân Taažâpel, ko sii fievridâm uccâ kirdemmaašin lappui alda Bodø 24.6.1974. Kirdemmaašin ij lah valagin kavnum.
Kirdemmaašin fáárust láppojii Säämi parlament vuossâmuš saavâjođetteijee Reidar Suomenrinne Ucjuuvâst, Jouni Aikio Vuáčust, Uula A. Länsman Aŋŋelist, Artto Sverloff Čevetjäävrist já Jouni J. Vest Ruávisavonist sehe kirdemmaašin kirdee Pekka Niemi.
– Sämitigge kunnijât päärtist jáámmám ulmui mušto já tuálá joskis puudâ Sämitige tievâsčuákkim aalgâst koskoho 19.6. já uárnee soroliputtem Saijoosist 24.6., iätá Sämitige saavâjođetteijee Pirita Näkkäläjärvi.
