Forgâ mij ávudep sämmilij aalmugpeeivi – puáđi fáárun ávus oppâtijmijd 6.–8.2.2024!
Sämikielâi káidusmáttááttâs piiloothaahâ áávvud Säämi aalmugpeeivi 6.2. já uárnee virtuaallijd oppâtiijmijd 6.–8.2.2024.
Oppâtiijmeh láá ohtsis kulmâ, já tai fáddán lii puásuituálu. Tiijmij ääigi mij oppâp puásuituálu sánáduv já eellip čoođâ puásuituálu pargoid.
Oppâtiijmeh láá čuosâttum sierâ luokkatassijd, mutâ tijmijd láá tiervâpuáttim puohah, kiäid sämikielah já sämikulttuur kiäsutteh. Tijmijd puáhtá uásálistiđ jieškote-uv uáppee jiečânávt tâi oles luokka puáhtá uásálistiđ siämmáá puudân oovtâst ohtsii piergâsijn. Máttááttâs lii iänááš sämikielân (anarâš-, nuorttâlâš- tâi tavesämikielâ), toorjâkiellân lii suomâkielâ. Tiijmeh heivejeh te meid sämikielâ uáppeid.
Tiijmijd puáhtá čuávvuđ njuolgâ vuolgâttâssân spokkâlmáin servâmliiŋkâid. Tiijmijd puáhtá čuávvuđ nuuvtá ige taarbâš almottâttâđ muuneeld. Tiijmij ääigi lii meid máhđulâš koijâdiđ já savâstâllâđ chatist.
Majebargâ 6.2. tme 10.00–10.45
Anarâškielân
Máttáátteijen Riikka Morottaja
Servâmliŋkkâ: http://tinyurl.com/inarinsaame
Koskokko 7.2. tme 10.00–10.45
Tavesämikielân
Máttáátteijee Mihkku Laiti
Servâmliŋkkâ http://tinyurl.com/pohjoissaame
Tuorâstâh 8.2. tme 10.00–10.45
Nuorttâlâškielân
Máttáátteijen Jouko Moshnikoff
Servâmliŋkkâ: http://tinyurl.com/koltansaame
Pyeri puáttim! Tiõrv pueʹttem! Bures boahtin! Tervetuloa!
Lasetiäđuh:
Laura Ylinampa, hahâhovdâ
laura.ylinampa@edu.utsjoki.fi
040 525 4013
Anne Olli, hahâkoordinaattor
anne.olli@samediggi.fi
040 687 5989
Säämi aalmugpeivi ávuduvvoo jyehi ive kuovâmáánu 6. peeivi. Ávutuáluh láá ärbivuáválávt sierâ kuávluin Säämist já meid Säämi ulguubeln.
Tun puávtáh uásálistiđ Säämi aalmugpiäiván meid návt:
- Seervâ sämmilij aalmugpeeivi tábáhtussáid sierâ päikkikuudijn teikâ káidusin.
- Keejâ video: Saamelaisten kansallispäivä kahdessa minuutissa.
- Ornii muusikpitái árvuštâllâm sämimuusikist.
- Uáppáásm Dihtosis-oppâmaterialáid Nuorâi Akatemia siijđoin. Finnimnáál láá materialkoortah, tiätukišto eehidlekkâm várás, speelah já video-oppâtiijmeh.
- Uáppáásm Oktavuohta – saamelaistietoa opetukseen -sijđoid. Siijđoin láá jieškote-uv škovlâ- já luokkatáásán vuávájum fáddáuásih já pargopitáh.
- Uáppáásm Sano se saameksi -eđâldâhsänikiirján orjâlâš-, anarâš- já nuorttâlâškielân. Siijđoin láá meid vittâ uánihisdokument, almoliih tiäđuh sämikulttuurist, soundboard sehe kyehti artikkâl kielâfáádást.
- Printtii párnáid ivnimkuuvijd.
- Máttááttâl tavesämikielâ Sämirääđi IndyLan-kielâoppâmheiviittâssáin. Heiviittâs puáhtá luođiđ Apple Storest já Google Playst.
- Máttááttâl tavesämi-, anarâš- tâi nuorttâlâškielâ párnáid čuosâttum Kaavpugfiäráán-spelláin, moos láá ovtâstittâm lävdi- já korttâspeelâ. Heiviittâs puáhtá luođiđ Apple Storest já Google Playst.
- Keejâ Muumileehi-rááiđu Yle Areenast tavesämikielân, anarâškielân tâi nuorttâlâškielân.