Farga lea áigi ávvudit sámiid álbmotbeaivvi – searvva rabas oahppodiimmuide 6.–8.2.2024!

Oahppodiimmut leat oktiibuot golbma, ja daid fáddán lea boazodoallu. Diimmuin oahpat boazodoalu sániid ja oahpasmuvvat boazobargguide.

Diimmuide leat buresboahtán buohkat, geat háliidit oahppat eanet sámegielaid ja sámiid kultuvrra birra. Diimmuide sáhttá oassálastit iehčanassii dahje searvat mielde luohkáin oktasaš dihtora bokte. Oahpahus lea eanaš sámegillii (anáraš-, nuortalaš- ja davvisámegillii), veahkkegiellan lea suomagiella. Diimmut heivejit danin maiddái sámegiela oahpahalliide.

Diimmuid beassá čuovvut njuolggorávdnjemin oassálastinliŋkkaid bokte. Oahppodiimmuid čuovvun lea nuvttá iige daidda dárbbaš almmuhit iežas ovddalgihtii. Diimmuin lea maiddái vejolašvuohta jearrat ja ságastit čáttas.

Maŋŋebárga 6.2. dii 10.00–10.45

Anárašgillii

Oahpaheaddjin Riikka Morottaja

Oassálastinliŋka: http://tinyurl.com/inarinsaame

Gaskavahkku 7.2. dii 10.00–10.45

Davvisámegillii

Oahpaheaddjin Mihkku Laiti

Oassálastinliŋka: http://tinyurl.com/pohjoissaame

Duorastat 8.2. dii 10.00–10.45

Nuortalašgillii

Oahpaheaddjin Jouko Moshnikoff

Oassálastinliŋka: http://tinyurl.com/koltansaame

Pyeri puáttim! Bures boahtin! Tiõrv pueʹttem! Tervetuloa!

Lassedieđut:

Laura Ylinampa, prošeaktahoavda
laura.ylinampa@edu.utsjoki.fi
040 525 4013

Anne Olli, prošeaktakoordináhtor
anne.olli@samediggi.fi
040 687 5989

Sámiid álbmotbeaivvi ávvudit juohke guovvamánu 6. beaivve. Ávvudeamit lágiduvvojit dalle dábálaččat iešguđege guovllus Sámi ja dál maiddái Sámi olggobealde.

Sáhtát oassálastit sámiid álbmotbeaivvi ávvudeapmái maiddái ná:

• Oassálaste sámiid álbmotbeaivvi dáhpáhusaide sierra báikegottiin ja gáiddusin.
• Geahča video: Saamelaisten kansallispäivä kahdessa minuutissa.
• Ordne musihkkabihtáid árvvoštallama.
• Oahpásnuva Dihtosis-oahppomateriálaide Nuorten Akatemia siidduin. Oaččumis leat metodapáhkka, diehtogilvu iđitrahpama várás, spealut ja video-oahppodiimmut.
• Oahpásnuva Oktavuohta – saamelaistietoa opetukseen -siidduide. Siidduin gávdnojit fáddáoasit ja bargobihtát iešguđet skuvla- ja luohkkádássái.
• Oahpásnuva Sano se saameksi -frásasátnegirjái davvi-, anáraš- ja nuortalašgillii. Siidduin leat maiddái vihtta oanehisdokumeantta, almmolaš dieđut sámiid kultuvrra birra, soundboard ja maiddái guokte artihkkala, mat gieđahallet sámegielaid.
• Printe mánáide ivdnengovaid.
• Oahpahala davvisámegiela Sámiráđi IndyLan-giellaoahppanáppain! Áppa gávdno Apple Stores ja Google Plays.
• Oahpahala davvi-, anáraš- dahje nuortalašgiela mánáide oaivvilduvvon Gávpotfearán-spealuin, mas leat ovttastahtton lávde- ja goartaspeallu. Speallu gávdno Apple Stores ja Google Plays.
• Geahča Mumenvággi-ráiddu Yle Areenas davvisámegillii, anárašgillii tai nuortalašgillii.