Kyevtkielâlâš párnáilaavlâkirjeest almostum uđđâ riäntus

Piiččus – Piiččus -párnáilaavlâkirjeest lii almostittum uđđâ riäntus. Kirje lavluuh láá sehe anarâškielân já orjâlâškielân. Uđđâ riänttusân láá lasettum kulmâ uđđâ anarâškielâ lavluu, moh iä lah jurgâlum orjâlâškielân.

Kirje lavlui saanijd já nuotâid lii ráhtám Aune Kuuva. Helena Hyvärinen lii čáállám lavluid nuotâid. Ilmari Mattus lii sárgum kirje kuuvijd já jurgâlâm lavluid orjâlâškielân. Nuottâgrafiikkarin lii toimâm Timo Leskelä. Uđđâ lavluid nuotâid lii čáállám Anna Lumikivi.

Henna Lehtola lii heiviittâm lavlui teevstâid tááláá anarâškielâ čäällimvuáhán.

Puáris riäntus lii ive 1987.

Uđđâ kirjeh láá tiilámnáál Sämitige škovlim- já oppâmateriaaltoimâttuvvâst.