Neropatin päiväkirja - Čuovâuáivi peivikirje lii tääl almostittum sämikielân
Pegâlmâs kirječällee Jeff Kinney vuosmuš ráiđukoveroomaan Diary of Wimpy Kid (Neropatin päiväkirja) lii tääl almostittum orjâlâš-, anarâš- já nuorttâlâškielân. Taat kirje lii lamaš maaŋgâid iivijd bestseller -kirje Amerikast, meid Suomâst Neropatti -kirjeh láá lamaš távjá pivnohumos kiirjij juávhust. Tääl taam kirje piäsá luuhâđ meid sämikielân.
Anarâškielân kirje lii jurgâlâm Mikkâl Morottaja, orjâlâškielan Áilu Valle já nuorttâlâškielân Raija Lehtola.
”Paješkovlâ lii maailm jiermittemes utkos – jis kiinii tom tiätá, te Greg Heffley.”
”Greg säänih já tavoh iä ain kuáhtáá, nuuvt et suu pyeri áigumušah távjá šaddeh ereslágánin ko maid sun lâi jurdâččâm…”
Kiirjijd puáhtá tiiláđ Sämitige nettikäävpist:
Kiirjijd puáhtá uástiđ meid Sámi duodji -käävpist.
