Neropatin päiväkirja - Jierpmástalli beaivegirji lea dál almmustuvvan sámegillii
Biekkánis girječálli Jeff Kinney vuosttas ráidogovvaromána Diary of Wimpy Kid (Neropatin päiväkirja) lea dál almmustuvvan davvi-, anár- ja nuortasámegillii. Dát girji leamaš máŋggaid jagiid bestseller -girji Amerihkás, maiddái Suomas Neropatti -girjjit leamaš dávjá girjelisttuid njunnošis. Dál dán girjji beassá lohkat maiddái sámegillii.
Davvisámegillii Neropatti-girjji lea jorgalan Áilu Valle, anársámegillii Mikkâl Morottaja ja nuortasámegillii Raija Lehtola.
“Eallin badjeskuvllas ii leat álki. Greg Heffley diehtá dan buorebut go earát.”
“Greg sánit ja dagut eai buot áiggiid mana oktii, nu ahte su buorit áigumušat dávjá šaddet áibbas eará go son lei jurddašan.”
Girjjiid sáhttá diŋgot Sámedikki neahttagávppis:
Girjjiid fidne oastit maiddái Sami duodji -gávppis.
