Saavâjođetteijee Juuso teeivâi president Niinistö Lemmest
Sämitige saavâjođetteijee Tuomas Aslak Juuso teeivâi Suomâ täsivääldi president Sauli Niinistöin Lemmest onne njuhčâmáánu 6. peeivi. President uápásmui kolliistâllâm ääigi sämikulttuurân já puásuituálun Paltto táálust já meecist.
Teivâdmist saavâjođetteijee Juuso puovtij oovdân äigikyevdilis aašijn šoŋŋâdâhnubástus já ton mieldi puáttám háástuid sämmilij ärbivuáválij iäláttâsâi uáinimčievâst, sämmilij tuotâvuotâ- já sovâdâttâmkomissio pargo, sämmiláid čuáccám vajesaavâ sehe almugijkoskâsii olmoošvuoigâdvuotâkenigâsvuođâi olášume Suomâst.
Paltto peerâ tuáivuttij president tiervâpuáttim Lemmei.
Paltto peerâ tuáivuttij president tiervâpuáttim Lemmei.
Sämitigge skeŋkkij presidentân suu nommâpustavijguin hervejum luuhâ.
President kollij njuhčâmáánu 6. peeivi Lemmest Anarist, kost sun teeivâi Sämitige ovdâsteijei lasseen nuorttâlij ovdâolmooš Veikko Feodoroffin já Aanaar kielâ kieldâhovdâ Toni K. Lainein.
Lasetiäđuh
Sämitige saavâjođetteijee Tuomas Aslak Juuso puh. 040 187 1331, tuomas.juuso(at)samediggi.fi
