Saaǥǥjååʹđteei Juuso kaaunõõđi presideʹntt Niinistöin Leammist
Sääʹmteeʹǧǧ saaǥǥjååʹđteei Tuomas Aslak Juuso kaaunõõđi tääʹssvääʹld presideʹntt Sauli Niinistöin Leammist (lääddas Lemmenjoki) täʹbbe 6. peeiʹv pâʹsslašttâm-mannu. Presideʹntt tobdstõõđi kõʹllʼjummšest sääʹmkulttuuʹre da puäʒʒhoiddu Paltto puäʒʒtäälast da mieʹccest.
Kaaunõõttmõõžžâst saaǥǥjååʹđteei Juuso puuʹti ouʹdde ääiʹjpoddsaž äʹššen äimmõsmuttâz da tõn mieʹldes puʹhttem vaʹǯǯtõõzzid säʹmmlai äʹrbbvuõđlaž jieʹllemvuõʹjji ǩiõččâmkuuʹlmest, säʹmmlai tuõttvuõtt- da suåvâdvuõttkomissio tuâj, säʹmmlaid tillʼlõõvvi vââʹjjsaaǥǥ di meeraikõskksaž ooumažvuõiggâdvuõttõõlǥtõõzzi teâuddjummuž Lääʹddjânnmest.
Paltto piâr tuäivti presideeʹnt tiõrv pueʹttem Leammi-siʹjdde.
Paltto piâr tuäivti presideeʹnt tiõrv pueʹttem Leammi-siʹjdde.
Sääʹmteʹǧǧ sǩiâŋki presidentta suu nõmmbukvaivuiʹm hiârvtum luukk.
Presideʹntt kõʹllʼji pâʹsslašttâm-mannu 6. peeiʹv Leammist Aanrest, koʹst son kaaunõõđi Sääʹmteeʹǧǧ eeʹttǩeeʹji lââʹssen saaʹmi ouddooumaž Veikko Feodorooffin da Aanar kååʹdd kåʹddjååʹđteei Toni K. Lainein.
Lââʹssteâđ
Sääʹmteeʹǧǧ saaǥǥjååʹđteei Tuomas Aslak Juuso teʹl. 040 187 1331, tuomas.juuso(at)samediggi.fi
