Saavâjođetteijee Näkkäläjärvi sämitiggevaljáid kyeskee poolistutkâmist: ”Mij tuáivup puohháid pargoráávhu”
Poolis lii almottâm, ete tot eeppid rikkoos ive 2023 sämitiggevaaljâi ohtâvuođâst. Saavâjođetteijee Pirita Näkkäläjärvi mield tutkâm ij vaaikut Sämitige piäiválii paargon.
Poolis lii muštâlâm, ete tot lii tohâmin ovdâtutkâm ive 2023 sämitiggevaaljâin. Saavâjođetteijee Pirita Näkkäläjärvi iätá, ete sun ij äälgi árvuštâllâđ, ete lahtoo-uv áášán rikos teikâ kii puávtáččij leđe epidum.
– Poolis ovdâtutkâm lii joođoost já mij vyerdip ráávhust proosees ovdánem. Mij tuáivup puohháid pargoráávhu, saavâjođetteijee Näkkäläjärvi iätá.
Saavâjođetteijee Näkkäläjärvi mield tuáváást lii vaarâ kuhesáigásâš, sämmilij jiešmeridemvuoigâdvuotân kyeskee rijdo, mast Suomâ lii finnim sujâlâžžân celkkee čuávdusijd OA olmoošvuoigâdvuotâkomiteast já näliolgoštem vuástásii komiteast (CERD).
– Tutkâm ij vaaikut Sämitige piäiválii paargon. Mij juátkip pargo puoh kuulmâ Suomâbeln ellee sämikielâ já sämmilij kulttuur oovdân tego ovdil-uv, Näkkäläjärvi iätá.
Lasetiäđuh:
Pirita Näkkäläjärvi
Saavâjođetteijee
044 7533 766
pirita.nakkalajarvi@samediggi.fi
