Säminuorâi taaiđâtábáhtus kunneemainâšuumij finnejeijeeh já kijttoseh uásálisteid

Taaiđâtábáhtusâst lijjii taan ive väldikodálii tábáhtus náál nelji teema: oovdânpyehtee taaiđâšlaaijân lâi tanssâ sehe sämmiliih ärbivuáváliih vookaalmuusikšlaajah leuʹdd, livđe já luohti. Toos lasseen teeman lâi uánihisfilmâ säämi kulttuuräärbist já meid kovetaaiđâ, mon fáddán lâi kulttuurpiirâs. Tábáhtus laiđiistui Suomâst sarnum kuulmâ sämikielân. Laiđiisteijen toimii anarâškielân Aino-Maija Mäenpää, nuorttâlâškielân Heini Wesslin já tavesämikielân Oula Guttorm.

Láávdástmij já uánihisfiilmâi äššitobdeetuámárin toimii Hanna-Maaria Kiprianoff, Auri Ahola já Ulla Pirttijärvi. Kovetaiđui äššitobdeetuámárin toimii Janika Gauriloff, Essi Morottaja já Tarja Porsanger. Äššitobdeetuámáreh mieđettii kunneemainâšuumijd láávdástmijn, uánihisfiilmâin ja kovetaiđust ahejuávhui mield.

Nuorâ Kulttuur On Air -tábáhtusân väljejui ovdâsteijen kärigâsnjargâlij Inka Rasmus, Antti Laiti já Matti Utsi Čuoigantuvra-uánihisfilmâ. Nuorâ Kulttuur-tábáhtus uárnejuvvoo taan ive satelliittábáhtussân pirrâ Suomâ 11.5.2024. Tábáhtus puáhtá čuávvuđ káidusin live-vuolgâttâs peht čujottâsâst https://nuorikulttuuri.fi/onair/live/.

Sämitigge haalijd adeliđ párnáid já nuoráid máhđulâšvuođâ oovdânpyehtiđ taiđuu vijđásubbooht-uv keččeid väldikodálávt já meid aalmugijkoskâsávt. Uárnejeijeeh láá maŋeláá ohtâvuođâst sijjân, kiäh pessii vuossâmuid soojijd láávdástmij já uánihisfiilmâi juávhust. Toos lasseen Säämimuseo Siidan ráhtoo čáitáldâh kovetaaiđâtuojijn, moh finnejii vuossâmuu saje kunneemainâšume. Čáitálduv puáhtá eelliđ keččâmin keesi ääigi. Čáitáldâhân lii nuuvtá siisâpeessâm.

Sämitigge kijttá Sämikuávlu kieldâid, sämiluokai máttáátteijeid, párnái já nuorâi vaanhimijd, tábáhtus pargopáájái tuálleid, äššitobdeetuámárijd já oovtâstpargokuoimijd uásálistmist orniistâlmáid. Eromâškijttosijd Sämitigge haalijd celkkiđ puoh párnáid já nuoráid, kiäh uásálistii Säminuorâi taaiđâtábáhtusân.

Taaiđâtábáhtus kunneemainâšuumij finnejeijeeh:

Kovetaaiđâ:

I ahejuávkku

1. saje Bassi Náttašduottar – Nils-Piera Hirvasvuopio
2. saje Solojávri – Máret Áile West
3. saje Porot tuvan ympärillä – Joel Huttunen

II ahejuávkku

1. saje Mierasjärvi – Jussa Mikkal Kuusela
2. saje Guovdageainnus Vuohččui – Ánna-Frida Vars
3. saje Kevät kosken rannalla – Oliver Huttunen

III ahejuávkku

1. saje Ariana Kolehmainen
2. saje Anna Porsanger
3. saje Eallu – Adriana Niittyvuopio, Inka Rasmus já Antti Laiti

Uánihisfilmâ:

I ahejuávkku

1. saje Gárdun -Gáregasnjárgga 0.–1. luokka
2. saje Boazodoallu -Iina Kitti, Enni Kitti já Anni-Káren Kitti
3. saje Bäskksiõrr- Kiureli Harju

II ahejuávkku

1. saje Heargevuodjin – Áslat-Johan Keskitalo
2. saje Njuikkuheapmi – Gáregasnjárgga Sá 2.–3. luokka
3. saje Lávvu – Elli Kotavuopio já Nils-Petter Keskitalo

III ahejuávkku

1. saje Čuoigantuvra – Inka Rasmus, Antti Laiti já Matti Utsi
2. saje Árbevierru nállogoađi hámis – Áile Keskitalo ja Maria Kotavuopio
3. saje Ráhkkan muinna! – Aurora Laiti, Adriana Niittyvuopio, Ina Guttorm já Sanni Guttorm

Juáigus já tanssâ:

I ahejuávkku

1. saje Stuorra-Jovnna gumben – Ohcejoga mánát, Ucjuvnjäälmi škovlâ
2. saje Piäiváá livđe – Piäiváá párnááh
3. saje Oahppan lean – Kärigâsnjaargâ škovlâ

II ahejuávkku

1. saje Luondu mis – Giehtaruohttasa mánát, Käresavvoon škovlâ
2. saje Juoigan – Biret Elle Ruotsala já Nils-Máhtte Paltto, Aanaar škovlâ
3. saje Čálkku Ánde – Davimusat, Njuárgám škovlâ

Lasetiäđuh:

Miia Ruokojärvi

miia.ruokojarvi@samediggi.fi

044 777 5683