Sámenuoraid dáiddadáhpáhusa gudnemáinnašumiid oažžut ja giitosat oassálastiide

Dán jagáš dáiddadáhpáhusas ledje, nugo váldegottálaš dáhpáhusas, njeallje temá: loaiddasteapmin ledje dánsun ja sápmelaš árbevirolaš vokálamusihkkašlájat leu´dd, livđe ja luohti. Dáid lassin temán lei maiddái oanehisvideo sápmelaš kulturárbevierus ja govvadáidda, mas fáddán lei kulturbiras. Dáhpáhus jođihuvvui golmma sámegillii. Jođiheaddjit ledje anárašgillii Aino-Maija Mäenpää, nuortalašgillii Heini Wesslin ja davvisámegillii Oula Guttorm.  

Loaiddastemiid ja oanehisvideoid áššedovdiráđis čohkkájedje Hanna-Maaria Kiprianoff, Auri Ahola ja Ulla Pirttijärvi. Govvadáidagiid áššedovdiráđis fas Janika Gauriloff, Essi Morottaja ja Tarja Porsanger. Áššedovdiráđit mieđihedje gudnemáinnašumiid loaiddastemiin, oanehisvideoin ja govvadáidagis ahkejoavkkuid mielde.  

Nuorra Kultuvra On Air -dáhpáhussii ovddasteaddjin válljejuvvui gáregasnjárgalaččaid Inka Rasmus, Antti Laiti ja Matti Utsi Čuoigantuvra-oanehisvideo. Nuorra kultuvra-dáhpáhus ordnejuvvo dán jagi satellihttadáhpáhussan miehtá Suoma 11.5.2024. Dáhpáhusa beassá čuovvut gáiddusin njuolggosáttan čujuhusas https://nuorikulttuuri.fi/onair/live/. 

Sámediggi hálida fállat mánáide ja nuoraide vejolašvuođa ovdanbuktit dáidaga stuorát geahččiid jovkui váldegotti dásis ja maiddái riikkaidgaskasaččat. Lágideaddjit váldet maŋŋelis oktavuođa sidjiide, geaid  loaiddasteamit ja oanehisvideot válljejuvvojedje vuosttas sadjái. Dan lassin Sámemusea Siidii čohkkejuvvo čájáhus govvadáidaga dujiin, mat ožžo gudnemáinnašumi vuosttas saji. Čájáhusa sáhttá fitnat oaidnimin geasi áigge ja dat lea nuvttá.  

Sámediggi giitá Sámeguovllu gielddaid, sámeluohkáid oahpaheaddjiid, mánáid ja nuoraid vánhemiid, dáhpáhusa lágideaddjiid, áššedovdiráđiid ja ovttasbargoguimmiid go leat leamašan mielde ordnemin  dáhpáhusa. Sámediggi hálida vel sierra giitit buot mánáid ja nuoraid, geat serve Sámenuoraid dáiddadáhpáhussii.  

Dáiddadáhpáhusa gudnemáinnašumiid ožžo: 

Govvadáidda: 

I ahkejoavku 

1. sadji Bassi Náttašduottar – Nils-Piera Hirvasvuopio 
2. sadji Solojávri – Máret Áile West 
3. sadji Porot tuvan ympärillä – Joel Huttunen  

II ahkejoavku 

1. sadji Mierasjärvi – Jussa Mikkal Kuusela 
2. sadji Guovdageainnus Vuohččui – Ánna-Frida Vars 
3. sadji Kevät kosken rannalla – Oliver Huttunen 

III ahkejoavku 

1. sadji Ariana Kolehmainen  
2. sadji Anna Porsanger 
3. sadji Eallu – Adriana Niittyvuopio, Inka Rasmus ja Antti Laiti 

Oanehisvideo:  

I-ahkejoavku 

1. sadji Gárdun -Gáregasnjárgga 0.–1. luohkká 
2. sadji Boazodoallu -Iina Kitti, Enni Kitti ja Anni-Káren Kitti 
3. sadji Bäskksiõrr- Kiureli Harju 

II-ahkejoavku 

1. sadji Heargevuodjin – Áslat-Johan Keskitalo 
2. sadji Njuikkuheapmi – Gáregasnjárgga Sá 2.–3. luohkká 
3. sadji Lávvu – Elli Kotavuopio ja Nils-Petter Keskitalo 

III-ahkejoavku 

1. sadji Čuoigantuvra – Inka Rasmus, Antti Laiti ja Matti Utsi 
2. sadji Árbevierru nállogoađi hámis – Áile Keskitalo ja Maria Kotavuopio 
3. sadji Ráhkkan muinna! – Aurora Laiti, Adriana Niittyvuopio, Ina Guttorm ja Sanni Guttorm 

Juoigan ja dánsun: 

I-ahkejoavku 

1. sadji Stuorra-Jovnna gumpen – Ohcejoga mánát, Utsjokisuun koulu 
2. sadji Piäiváá livđe – Piäiváá párnááh 
3. sadji Oahppan lean – Karigasniemen koulu  

II-ahkejoavku 

1. sadji Luondu mis – Giehtaruohttasa mánát, Karesuvannon koulu 
2. sadji Juoigan – Biret Elle Ruotsala ja Nils-Máhtte Paltto, Inarin koulu 
3. sadji Čálkku Ánde – Davimusat, Nuorgamin koulu 

Lassedieđut:  

Miia Ruokojärvi  

miia.ruokojarvi@samediggi.fi 

044 777 5683