Säminuorâi taaiđâtábáhtus uárnejuvvoo Anarist 6.–7.5.
Säminuorâi taaiđâtábáhtus norá Suomâ sämikuávlu párnáid já nuorâid vuod Anarân Säämi kulttuurkuávdáš Sajosân vyesimáánu 6.–7. peeivi. Taan ive taaiđâtábáhtus teeman láá pirâstaaiđâ já teatter.
Kove: Sämitigge / Tuuli Paadar.
Sämitigge uárnee Säminuorâi taaiđâtábáhtus Anarist, Säämi kulttuurkuávdáš Saijoosist vyesimáánu 6.–7. peeivi. Taan ive teema pirâstaaiđâ movtijdit sämipárnáid já -nuorâid anneeđ ävkkin luándumateriaalijd já ärbitiäđu jieijâs tuojijn. Tyejeh dokumentistojeh videoin, moh čáittojeh taaiđâtábáhtusâst. Pirâstaaiđâtuojij lasseen taaiđâtábáhtus puáhtá Saijoos läävdi oolâ sämipárnái já -nuorâi teatteroovdânpyehtimijd.
Oovdânpyehtimij almottâttâm álgá 24.3. já nohá 15.4.2025. Almottâtmist tieđettuvvoo tärhibeht maŋeláá.
Taaiđâtábáhtus puáhtá čuávvuđ meid livevuolgâttâs peht.
Lasetiäđuh:
Tiina Aikio
Säminuorâi taaiđâtábáhtus proojeektpargee
tiina.aikio@samediggi.fi
+358 (0)44 750 00 84
