Sääʹmnuõri čeäʹppvuõttpeiʹvv riâžžât Aanrest 6.–7.5.
Sääʹmnuõri čeäʹppvuõttpeiʹvv nåårr âʹpet Lääʹdd sääʹmvuuʹd päärnaid da nuõrid Aanra Sääʹmkulttuurkõõskõs Sajoʹsse 6.–7. vueʹssmannu. Tän eeʹjj čeäʹppvuõttpeeiʹv teeʹmmen liâ pirrõsčeäppõs da teatter.
Snimldõk: Sääʹmteʹǧǧ / Tuuli Paadar.
Sääʹmteʹǧǧ reäšš Sääʹmnuõri čeäʹppvuõttpeeiʹv Aanrest Sääʹmkulttuurkõõskõs Sajoozzâst vueʹssmannu 6.–7. peeiʹvi poddân. Tän eeʹjj teeʹmm pirrõsčeäppõs smeʹllkâtt sääʹmpäärnaid da -nuõrid äuʹǩǩeed luâđmateriaalid da äʹrbbvuõtt-teâđ tuejjõõzzin. Tuejjõõzz dokumentââʹstet videoin, koid čuäʹjtet čeäʹppvuõttpeeiʹv poodd. Pirrõsčeäppõstuejjõõzzi lââʹssen čeäʹppvuõttpeiʹvven vueiʹnnveʹted Sajoozz čuäʹjtemkriiʹlcest sääʹmpäärnai da -nuõri teatterčuäjtõõzzid.
Čuäjtõõzzi iʹlmmtõõttmõš älgg 24.3. da põõtt 15.4.2025. Iʹlmmtõõttmõõžžâst teâđtet mâʹŋŋlubust tääʹrǩben.
Čeäʹppvuõttpeeiʹv vuäitt teâđast še seuʹrrjed vuõiggvuõlttõõzz pääiʹǩ.
Lââʹssteâđ:
Tiina Aikio
Sääʹmnuõri čeäʹppvuõttpeeiʹv projeʹktt-tuâjjlaž
tiina.aikio@samediggi.fi
+358 (0)44 750 00 84
