Sämiohtâduv vuávájeijee
Sämitigge almoot uuccâmnáál Sämitige ooleest tuáimee Tave-Suomâ sosiaalsyergi mättimkuávdáá sämiohtâduv meriáigásii vuávájeijee pargo.
Pargo olášuttoo uásiáigásâžžân (50 %). Pargo álgá sopâmuš mield já pištá 31.12.2024 räi.
Sämiohtâdâh västid sämmilij pyereestvaijeempalvâlusâi oovdedmist, mii lii Tave-Suomâ sosiaalsyergi mättimkuávdáá väldikodálâš eromâšpargo. Vuávájeijee pargoh láá miäruštâllum Sämitige pargo-oornigist, 30 5:st.
Tohálâšvuotâvátámâššân lii virge vaattâm škovlim já lasseen váttoo sämikielâ táiđu (asâttâs 1727/95). Pargo miänástuvvee hoittáámist iššeed hiäivulâš ollâškovlâtođhos, vijđes sosiaalhuolâttâs já sämikulttuur tubdâm sehe hárjánem ovdedempargoost. Mij vyerdip meid kiärgusvuođâ jiečânâs porgâmân, šiev ornijdemnaavcâid já naavcâ killáđ streesi sehe šiev oovtâstpargo- já vuáruvaikuttâstááiđuid.
Pälkki meriduvvoo Sämitige pälkkivuáháduv vátávâšvuotâtääsi IV/II mield ((olesáigásii pargokoskâvuođâ vuáđupälkki 2857,25 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh. Virgekoskâvuođâst lii kulmâ mánuppaje keččâlemäigi.
Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga macâttiđ Sämitige čäällimkoodán 31.1.2024 räi taan uuccâmluámáttuv peht (lekkâs uđđâ laasân).
Lasetiäđuid pargoost finnee haldâttâhhovdâ Pia Ruotsala-Kangasniemist puh. 010 839 3106.
Anarist 8.1.2024
Sämitigge
