Sámeovttadaga plánejeaddji
Sámediggi almmuha ohcanláhkái Sámedikki oktavuođas doaibmi Davvi-Suoma sosiálasuorggi máhttinguovddáža sámeossodaga mearreáigásaš plánejeaddji doaimma.
Bargu ollašuhtto oasseáigásažžan (50 %). Bargu álgá soahpamuša mielde ja bistá 31.12.2024 rádjai.
Sámeossodat vástida sápmelaččaid buresveadjinbálvalusaid ovddideamis, mii lea Davvi-Suoma sosiálasuorggi máhttinguovddáža riikaviidosaš sierrabargu. Plánejeaddji barggut leat meroštallon Sámedikki bargoortnegis, 30 §:s.
Gelbbolašvuođagáibádussan lea virggi eaktudan skuvlejupmi ja lassin gáibiduvvo sámegiela máhttu (ásahus 1727/95). Doaimma ceavzilis dikšuma veahkehit heivvolaš allaskuvladutkkus, viiddes sosiálafuolahusa ja sámekultuvrra dovdamuš ja vásáhus ovddidanbarggus. Mii vuordit maiddái válmmašvuođa iehčanas bargamii, buori organiseren- ja streassagierdannávcca ja buriid ovttasbargo- ja vuorrováikkuhusdáidduid.
Bálká mearrašuvvá Sámedikki bálkávuogádaga gáibádusdási IV/II mielde (ollesáigásaš barggu vuođđobálká 2857,25 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat mearrašuvvet bargohárjánumi mielde. Virgegaskavuođas čuvvojuvvo golbma mánotbaji geahččalanáigi.
Friijahápmásaš ohcanreivve sihke vejolaš ánsologahallama ja eará čuvvosiid galgá doaimmahit Sámedikki čállingoddái 31.1.2024 rádjai dán ohcanskovi bokte (rahpasa ođđa ruvttui).
Lassedieđuid barggus oažžu hálddahushoavda Pia Ruotsala-Kangasniemis tel. 010 839 3106.
Anáris 8.1.2024
Sámediggi
