Sämitigge almostittij KEI 1 anarâškielâ pargokirje kiiđân
Sämitige škovlim- já oppâmateriaaltoimâttâh lii almostittâm KEI 1 anarâškielâ pargokirje kiiđân. KEI 1 lii uáivildum vuáđuškoovlâ vuosmuu luoka anarâškielâ viereskiellân máttááttâsân.
KEI 1 Kollemecci pargokirje kiiđân siskeeld hárjuttâsâid oppâkirje kiđđâuási máttááttâsistuálui hárjuttâllâm várás. Kiiđâ pargokirje lii jurgâlum já heiviittum anarâskielân ive 2022 uđâstmittum tavesämikielâ GEA 1 Gollemeahcci bargogirji giđđii -kirje vuáđuld.
Kirje kietâčalluu lii čáállám Oona Länsman já kuuvijd sárgum Nora Bäck. Anarâškielân kirje lii jurgâlâm já anarâš kulttuurân heiviittâm Minna Lampinen.
Kiirjijd puáhtá tiiláđ Sämitige viermikäävpist:
