Sämitigge já Tiervâsvuođâ já pyereestvaijeem lájádâs juátkih oovtâstpargo sämiaalmug tiervâsvuođâ já pyereestvaijeem ovdedem oovdân
Sämitigge já Tiervâsvuođâ já pyereestvaijeem lájádâs (THL) čuákkimistii Anarist 31.1.2025. Čuákkimist meridii ive 2025 oovtâstpargo tehálumosijn teemain.

Oovtâstpargoráđádâlmeh láá uási THL já Sämitige ive 2023 vuáláčallum oovtâstpargosopâmušâst já ton olášutmist. Oovtâstpargo ulmen lii ovdediđ Suomâ sämiaalmug tiervâsvuođâ já pyereestvaijeem, eereeb iärrás pyevtitmáin tiäđu Suomâ sämiaalmug tiervâsvuođâ, pyereestvaijeem já aargâ torvo tiileest.
Taan ive oovtâstpargo tehálumosin teeman väljejuvvojii čuávuvááh teemah:
- THL já Sämitigge vuávájeh oovtâstpargoost ruttâdemucâmušâid Suomâ sämiaalmug tiervâsvuođâ já pyereestvaijeem ovdedem oovdân.
- THL lasseet sämikielâ já -kulttuur mättim jieijâs pargovievâ juávhust, naanood mättim algâaalmug vuoigâdvuođâi sierânâskoččâmušâin já viggá väldiđ huámmášumán sämikielâ- já kulttuur mättim rekrytistmijn.
Lasseen čuákkimist kejâstii oovtâstpargosopâmuš olášuttem luhostuumijd já hástusijd ive 2024 uásild.
Čuákkimân uásálistii THL uáivihovdâ Mika Salminen, soti-uásáduv jođetteijee Piia Aarnisalo, palvâlusvuáhádâh-ohtâduv hovdâ Anu Niemi, kulttuurlâš maaŋgânálásâšvuotâ -tiimi tiimihovdâ já jođetteijee totkee Natalia Skogberg, tutkâmprofessor Anu Castaneda, ovdedemhovdâ Saida Mäki-Penttilä já vuávájeijee Niila Rahko.
Sämitige čuákkimist ovdâstii saavâjođetteijee sajasâš, II värisaavâjođetteijee Tuomas Aslak Juuso, sosiaal- já tiervâsvuođâlävdikode saavâjođetteijee Leena Niittyvuopio-Jämsä, vs. sosiaal- já tiervâsvuođâčällee Anni Koivisto já sosiaal- já tiervâsvuođâčällee Riitta Lehtola-Kosonen, kielâtorvočällee Anne Kirste Aikio já lahâčällee Kalle Varis.
Lasetiäđuh
Tuomas Aslak Juuso
Sämitigge, II värisaavâjođetteijee
puh. 040 687 3394
tuomas.juuso(at)samediggi.fi
Anu Castaneda
THL, tutkâmprofessor
puh. 029 524 7848
ovdânommâ.suhânommâ(at)thl.fi