Sámediggi ja Dearvvasvuođa ja buresveadjima lágádus jotket sámeálbmoga dearvvasvuođa ja buresveadjima ovddidanovttasbarggu
Sámediggi ja Dearvvašvuođa ja buresveadjima lágádus (THL) čoahkkinaste Anáris 31.1.2025 Čoahkkimis mearriduvvojedje jagi 2025 ovttasbarggu váldodeattuhusat.

Ovttasbargoráđđádallamat gullet THL ja Sámedikki jagi 2023 vuolláičállán ovttasbargosoahpamuššii ja dan ollašuhttimii. Ovttasbarggu ulbmilin lea ovddidit Suoma sámeálbmoga dearvvasvuođa ja buresveadjima, earret eará buvttademiin dieđuid Suoma sámeálbmoga dearvvasvuođa, buresveadjima ja árgga dorvvu dilis.
Dán jagi ovttasbarggu váldodeaddun válljejuvvojedje čuovvovaš temát:
- THL ja Sámediggi plánejit ovttasráđiid ruhtadanohcamušaid Suoma sámeálbmoga dearvvašvuođa ja buresveadjima ovddideami várás
- THL lasiha sámegiel- ja kulturmáhtu bargiid gaskavuođas, nanne máhtu eamiálbmogiid vuoigatvuođaid sierragažaldagain ja geahččala vuhtiiváldit sámegiel- ja kulturmáhtu rekryteremiin
Dasa lassin čoahkkimis ráhkaduvvui oppalašgeahčastat ovttasbargosoahpamuša ollašuhttima lihkostuvvamiid ja hástalusaid birra jagi 2024 oasil.
Čoahkkimii oassálaste THL oaivehoavda Mika Salminen, sode-ossodaga hoavda Piia Aarnisalo, bálvalanvuogádat-ossodaga hoavda Anu Niemi, kultuvrralaš máŋggahámatvuohta -joavkku joavkohoavda ja njunuš dutki Natalia Skogberg, dutkanprofessor Anu Castaneda, ovddidanhoavda Saida Mäki-Penttilä ja plánejeaddji Niila Rahko.
Sámedikki ovddasteaddjin čoahkkimis ledje ságajođiheaddji sadjásaš, II várreságajođiheaddji Tuomas Aslak Juuso, sosiála- ja dearvvašvuođalávdegotti ságajođiheaddji Leena Niittyvuopio-Jämsä, vs. sosiála- ja dearvvašvuođačálli Anni Koivisto ja sosiála- ja dearvvašvuođačálli Riitta Lehtola-Kosonen, gielladorvočálli Anne Kirste Aikio ja láhkačálli Kalle Varis.
Lassedieđut
Tuomas Aslak Juuso
Sámediggi, II várreságajođiheaddji
tel. 040 687 3394
tuomas.juuso(at)samediggi.fi
Anu Castaneda
THL, dutkanprofessor
tel. 029 524 7848
ovdanamma.sohkanamma(a)thl.fi