Sämitigge ocá iäláttâsčällee virgesajasii
Sämitigge almoot uuccâmnáál iäláttâsčällee virgesajasâšvuođâ. Virgesajasâšvuotâ álgáččij 26.3.2024 teikâ sopâmuš mield já juátkoo 31.3.2025 räi.
Pargon lii ei. valmâštâllâđ sämmilij iäláttâssáid já toi oovdedmân kyeskee aašijd tienuuvt, ete váldoo huámmášumán sämmilij ärbivuáválâš tiätu, sehe toimâđ iäláttâs- já vuoigâdvuotâlävdikode čällen. Iäláttâsčällee pargoh láá miäruštâllum Sämitige pargo-oornigist 26 b §.
Asâttâsân vuáđuduvvee tohálâšvuotâvátámâššân lii virge vaattâm škovlim já lasseen váttoo sämikielâ táiđu (asâttâs 1727/95). Pargo miänástuvvee hoittám váátá šiev sämikulttuur, sämmilii ärbitiäđu, sämikuávlu já -iäláttâsâi sehe haaldâtlij pargoi tubdâm sehe šiev oovtâstpargo- já vuáruvaikuttâstááiđuid. Mij vyerdip meid njyebžilis čäällimtááiđu, kiärgusvuođâ jiečânâs porgâmân, šiev ornijdemnaavcâid já naavcâid kierdâđ streesi.
Iäláttâsčällee pälkki meriduvvoo Sämitige pälkkivuáháduv vátávâšvuotâtääsi IV/II mield (vuáđupälkki 2857,25 eurod/mp). Vuáđupäälhi lasseen pargoost máksojeh 24 % sämikuávlu lase já pargohárjánem mield hárjánemlaseh. Tooimâst lii kuulmâ mánuppaje keččâlemäigi.
Uuccâmreivâ sehe máhđulâš ánsuluvâttâllâm eres lahtosijguin kalga macâttiđ majemustáá 6.3.2024 taan ucâmušluámáttuv peht (liŋkkâ lekkâs uđđâ ruuvdun).
Lasetiäđuid pargoost addel haldâttâhhovdâ Pia Ruotsala-Kangasniemi puh. 010 839 3106. Sämitige tooimân puáhtá uápásmuđ nettičujottâsâst www.samediggi.fi
Anarist 15.2.2024
Sämitigge
