Sämitigge ocá proojeekthoovdâ Ä’rbb – Ohtsâš strategia kulttuuräärbi já ärbivuáválii tiäđu oovdedmân -haahân
Sämitigge almoot uuccâmnáál meriáigásii proojeekthoovdâ pargo ive 2028 loopâ räi pištee Ä’rbb – Ohtsâš strategia kulttuuräärbi já ärbivuáválii tiäđu oovdedmân -haahân.
Ä’rbb – Ohtsâš strategia kulttuuráárbán já ärbivuáválii tiätun naanood sämmilij jođettem, raajijd rastaldittee toimâmvyevi, mii tuárju já ana sämmilii kulttuuräärbi já ärbivuáválii tiäđu ohtsâžžân kulttuur- já ekonomiaresurssin. Haahâ västid piäđgui politiikân, ohtsii luvâttâllâm já prinsiipij váilumân sehe kiärduláid olgoldâs appropriaatio riskáid. Haavâst ráhtoo ohtsâš sämmilâš proosees, vâi puáhtá identifisistiđ, ete maid kalga kunnijâttiđ, čielgâsmittoo kollektiivlâš omâstemvuotâ já huksejuvvojeh kuhes prinsiipeh, moh vuáđuduveh jiešhaaldâšmân sehe riijâ já tiätun vuáđuduvvee munemietâmâšân (FPIC).
Suomâ já Taažâ Sämitigeh tuáimih haavâ jođetteijen, Ruotâbel Säämi uáinuh váldojeh mieldi Säämi parlamentaarlii rääđi peht.
Suomâ Sämitiigán pálkkááttemnáál proojeekthoovdâ pargon lii pieijâđ joton Ä’rbb -haavâ vuávám mield, olášuttiđ vuávájum tooimâid, huolâttiđ raportistmist, čuávvuđ proojeekt ekonomia olášume sehe huolâttiđ haavâ haaldâšmist aalgâst loopâ räi. Proojeekthovdâ parga aldasii oovtâstpargoost Taažâ Sämitige hahâpargeiguin sehe puoh Sämitigijguin. Pargo váátá aktiivlii vuáruvaikuttâs, viärmádâttâm já vijđes oovtâstpargo čonâsjuávkkukiedist sehe šiev proojeekt oleshaldâšem naavcâid.
Palvâluskoskâvuođâ tiäđuh
Pargo álgáččij sopâmuš mield nuuvt jotelávt ko máhđulâš já pištá ive 2028 loopâ räi. Toimâ lii Sämitige almos toimâttuv vuálásâš.
Sämitige toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ káiduspargon.
Tooimâ tevdimist nuávdittuvvoo kuuđâ mánuppaje keččâlemäigi.
Occest mij vyerdip
Tohálâšvuođâiähtun lii pargo vaattâm hiäivulâš škovlim já sämikielâ táiđu. Pargo miänástuvvee hoittám váátá vijđes sämikulttuur, kulttuuräärbi já FPIC-prinsiipij tubdâm sehe naavcâid aalmugijkoskâsii oovtâstpaargon sämikuávlust.
Mij vyerdip
- naavcâid haldâšiđ hahâporgâm vuáváámist operatiivlii olášuttem já haavâ nuuhâm räi,
- tááiđu haldâšiđ já čuávvuđ proojeektekonomia,
- naavcâid haldâšiđ maaŋgâid pargo-olesvuođâid siämmáá ääigi,
- šiev oovtâstpargo- já ornijdemtááiđuid,
- njyebžilis kirjálii viestâdemtááiđu.
Eŋgâlâs- já táru- tâi ruotâkielâ táiđu annoo hiättun.
Pälkki
Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki olespargoääigist 2998,97 eurod/mp). Vuáđupäälhi lasseen máksojeh 24 % sämikuávlu lase sämikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 20.5.2026 räi taan uuccâmluámáttuv peht (lekkâs uđđâ laasân):
Sämitigge lii finnim Ä’rbb – Ohtsâš strategia kulttuuräärbi já ärbivuáválii tiäđu oovdedmân -haahân Interreg Aurora ruttâdem.
Lasetiäđuid pargoost addel haldâttâhhovdâ Pia Ruotsala-Kangasniemi, pia.ruotsala@samediggi.fi já puh. 040 726 2688.
Sämitige tooimân puáhtá uápásmuđ nettičujottâsâst www.samediggi.fi.
Anarist 4.5.2026
Sämitigge
