Sämitigge ocá vuávájeijee Ä’rbb -haahân

Ä’rbb – Ohtsâš strategia kulttuuráárbán já ärbivuáválii tiätun naanood sämmilij jođettem, raajijd rastaldittee toimâmvyevi, mii tuárju já ana sämmilii kulttuuräärbi já ärbivuáválii tiäđu ohtsâžžân kulttuur- já ekonomiaresurssin.

Vuávájeijee, mii pálkkááttuvvoo haahân, pargon lii olášuttiđ haavâ tooimâid vuávám mield oovtâstpargoost Suomâ já Taažâ Sämitiigij proojeekthovdâiguin. Vuávájeijee pargon láá hahâviestâdem maaŋgâpiälásiih pargoh, siärváduvâi kulâmij já teivâdmij orniistâlmeh sehe haavâ sierâlágán haaldâtlijn pargoin išedem.

Vuávájeijee tuáimá noonâ oovtâstpargoost Ä’rbb -haavâ eres pargeiguin.

Palvâluskoskâvuođâ tiäđuh

Pargo álgáččij sopâmuš mield nuuvt jotelávt ko máhđulâš ive 2027 aalgâst já pištá ive 2027 loopâ räi, máhđulávt kuhheeb-uv ääigi. Toimâ lii Sämitige almos toimâttuv vuálásâš.

Sämitige toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ káiduspargon. Pargo váátá mađhâšem Sämikuávlust.

Tooimâ tevdimist nuávdittuvvoo kuuđâ mánuppaje keččâlemäigi.

Occest mij vyerdip

Tohálâšvuođâiähtun lii pargo vaattâm hiäivulâš škovlim já sämikielâ táiđu. Pargo miänástuvvee hoittáámist iššeed sämikulttuur, kulttuuräärbi já FPIC-prinsiipij tubdâm, hárjánem viestâdmist já hahâporgâmist. Mij vyerdip naavcâid haldâšiđ maaŋgâid pargoid siämmáá ääigi já šiev oovtâstpargo- já orniistâllâmnaavcâid. Hárjánem aalmugijkoskâsii oovtâstpargoost sämikuávlust sehe eŋgâlâš-, táru- tâi ruotâkielân táiđu annoo hiättun.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/III mield (vuáđupälkki olespargoääigist 3019,28 eurod/mp). Vuáđupäälhi lasseen máksojeh 24 % sämikuávlu lase sämikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 30.11.2026 räi taan šleđgâlii uuccâmluámáttuv peht (lekkâs uđđâ laasân).

• Uuccâmluámáttâh

Sämitigge lii finnim Ä’rbb – Ohtsâš strategia kulttuuräärbi já ärbivuáválii tiäđu oovdedmân haahân Interreg Aurora ruttâdem.

Lasetiäđuid pargoost addel proojeekthovdâ Elle Maaret Arttijeff, puh. 044 909 0690 tâi elle.arttijeff@samediggi.fi.

Sämitige tooimân puáhtá uápásmuđ nettičujottâsâst www.samediggi.fi.

Lasetiäđuid Ä’rbb-haavâst tun kaavnah tääbbin: https://samediggi.fi/vastuualueet/hankkeet/arbb/

Anarist 12.11.2026
Sämitigge