Sääʹmteʹǧǧ ååcc plaaneei Äʹrbb-haʹŋǩǩõʹsse

Äʹrbb – Õhttsaž strategia kulttuurärbba da äʹrbbvuõđlaž tiõttu raavad säʹmmlai jååʹđtem, raaʹjid râstldeei toiʹmmjemnääʹl, kååʹtt tuärjjad da äuʹǩǩad sääʹm kulttuurääʹrb da äʹrbbvuõđlaž teâđ õhttsaž kulttuur- da tällõsresurssân.

Haʹŋǩǩõʹsse paʹlǩǩeemvuâlaž plaaneei tuâjjan lij viikkâd haʹŋǩǩõõzz tååimaid čõõđ plaan meâldlânji õhttsažtuâjast Lääʹdd da Taarr Sääʹmtiiʹǧǧi projeʹkttjååʹđteeʹjivuiʹm. Plaaneei tuâjjan lie haʹŋǩǩõs-saaǥǥtummuž määŋgpeällsaž tuâj, õõutstõskuullmõõžži da kaaunõõttmõõžži jäʹrjstõõllmõõžž di haʹŋǩǩõõzz jeeʹresnallšem vaaldšmallaš tuâjain vieʹǩǩtummuš.

Plaaneei toiʹmmai nâânn õhttsažtuâjast Äʹrbb -haʹŋǩǩõõzz jeeʹres haʹŋǩǩõstuâjjlažkooʹddin.

Kääzzkõsvuõđ teâđ

Tuâjj äälǥči suåppmõõžž da sõõrǥmõõzz mieʹldd eeʹjj 2027 aalǥâst da peštt eeʹjj 2027 loopp räjja, vueiʹtlvânji kuuʹǩǩben. Tuâjj sâjjan Sääʹmteeʹǧǧ takai konttâr vuâlla.

Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst, Aanrest, leša tuâj vuäitt tuejjeed vuäzzas ougglõstuâjjan. Tuâjj kaiʹbbai maatkčummuž sääʹmvuuʹdest.

Tuâj tieuʹddmest ââʹnet kuuđ määnpââʹj ǩiččlõddâmääiʹj.

Ooccjest vueʹrddep

Ââʹntemkaiʹbbjõsân lij tuâj õudldem šiõttlõs škooultõs di sääʹmǩiõl täidd. Tuâj onsteeʹjes håiddmõõžž vieʹǩǩat sääʹmkulttuur, kulttuurääʹrb da FPIC-vuâđđjurddji tobddmõš, harjjnummuš saaǥǥtummša da haʹŋǩǩõstuõjju. Vueʹrddep tuʹst prossjid vaaldšed määŋgaid tuâjaid seämma ääiʹj di šiõǥǥ õhttsažtuâjj- da organisâʹsttemtääidaid. Harjjnummuž meeraikõskksaž õhttsažtuõjju sääʹmvuuʹdest di eŋgglõsǩiõl, taarrǩiõl leʹbe ruõccǩiõl tääid ǩiõččât pueʹrren.

Paʹlǩǩummuš

Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/III mieʹldd (vuâđđpäʹlǩǩ tiuddtuâjjaaiʹjin 3019,28 euʹrred/mp). Vuâđđpääʹlǩ õõl määuʹset sääʹmvuuʹdest tuejjeen 24 % sääʹmvuuʹd lââʹzz da tuõjju harjjnem mieʹldd meäʹrtõõvvi lõõʹzzid.

Ooccmõš

Ooccâmlomaakk, di jiõččtäättlaž jiijjad maʹlle ǩeeʹrjtum ooccâmǩeeʹrj di vueiʹtlvaž tuâjjpäiʹǩǩloǥstõõǥǥ da jeeʹres meâlddõõzzid âlgg tooiʹmted Sääʹmteeʹǧǧ piisarkådda 30.11.2026 räjja mõõneeʹst tän liâdglaž ooccâmlomaakk pääiʹǩ (ävvan ođđ ikkna):

• Ooccâmlomakk

 Sääʹmteʹǧǧ lij vuäǯǯam Interreg Aurora teäggtõõzz Äʹrbb – Õhttsaž strategia kulttuurääʹrb da äʹrbbvuõđlaž teâđ õõuʹdummša -haʹŋǩǩõʹsse.

Lââʹssteâđaid tuâjast oudd projeʹkttjååʹđteei Elle Maaret Arttijeff, teʹlf. 044 909 690 leʹbe elle.arttijeff@samediggi.fi.

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi..

Lââʹssteâđaid Äʹrbb-haʹŋǩǩõõzzâst kaaunak tääiʹben: https://samediggi.fi/vastuualueet/hankkeet/arbb/

Aanrest 12.11.2026
Sääʹmteʹǧǧ