Sámediggi ohcá plánejeaddji Ä’rbb-prošektii

Ä’rbb – Oktasaš strategiija kulturárbái ja árbevirolaš dihtui nanne sámiid jođihan, rájáid rasttildeaddji doaibmanmálle, mii doarju ja ávkkástallá sámi kulturárbbi ja árbevirolaš dieđu oktasaš kultur- ja ekonomiijaresursan.

Plánejeaddji, guhte bálkáhuvvo prošektii, bargun lea ollašuhttit prošeavtta doaimmaid plána mielde ovttasbarggus Suoma ja Norgga Sámedikkiid prošeaktahoavddaiguin. Plánejeaddji bargun lea prošeaktagulahallama máŋggabealat barggut, servošiid gullamiid ja deaivvademiid ordnemat ja prošeavtta iešguđetlágan hálddahuslaš bargguin veahkeheapmi.

Plánejeaddji doaibmá lávga ovttasbarggus Ä’rbb -prošeavtta eará prošeaktabargoveagain.

Bálvalangaskavuođa dieđut

Bargu álggášii soahpamuša mielde nu johtilit go vejolaš jagi 2027 álggus ja dat bistá jagi 2027 lohppii, vejolaččat guhkit áigge. Doaibma gullá Sámedikki almmolaš doaimmahaga vuollái.

Sámedikki doaibmabáiki lea Sámekulturguovddáš Sajosis, Anáris, muhto barggu lea vejolaš bargat gáiddusin. Bargu gáibida mátkkošteami Sámeguovllus.

Doaimma deavdimis čuvvojuvvo guđa mánotbaji geahččalanáigi.

Ohccis vurdojuvvo

Gelbbolašvuođagáibádussan lea heivvolaš skuvlejupmi, man doaibma eaktuda, ja sámegiela máhttu. Doaimma ceavzilis dikšuma veahkeha sámekultuvrra, kulturárbbi ja FPIC-prinsihpaid dovdámuš, hárjánupmi gulahallamis ja prošeaktabargamis. Mii vuordit návccaid hálddašit máŋggaid bargguid seamma áigge, buriid ovttasbargo- ja organiserendáidduid. Hárjánupmi álbmogiidgaskasaš ovttasbarggus sámeguovllus, ja eaŋgalasgiela, dárogiela dahje ruoŧagiela máhttu gehččojuvvojit ánsun.

Bálká

Bálkkámáksin mearrašuvvá Sámedikki bálkávuogádaga gáibádusdási IV/III mielde (vuođđobálká ollesbargoáiggis 3019,28 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 30.11.2026 dán elektrovnnalaš ohcamušskovi bokte (rahpasa ođđa lássii):

• Ohcamušskovvi
  

Sámediggi lea ožžon Ä’rbb – Oktasaš strategiija kulturárbbi ja árbevirolaš dieđu ovddideapmin -prošektii Interreg Aurora ruhtadeami.

Lassedieđuid barggus addá prošeaktahoavda Elle Maaret Arttijeff, tel.  044 909 0690 dahje elle.arttijeff@samediggi.fi, sámi kultuvra erenoamášáššedovdi Riitta Orti-Berg, tel. 040 840 0383 dahje riitta.orti-berg@samediggi.fi ja hálddahusjođiheaddji Pia Ruotsala-Kangasniemi, tel. 040 726 2688.

Sámedikki doibmii sáhttá oahpásmuvvat neahttačujuhusas www.samediggi.fi.

Lassedieđuid Ä’rbb-prošeavttas gávnnat dás: https://samediggi.fi/vastuualueet/hankkeet/arbb/

Anáris 12.11.2026
Sámediggi