Sämitigge uárnee Hettaast kuullâmtilálâšvuođâ Nato stuorrâhárjuttâs vaikuttâsâin aargân, pirrâsân já puásuituálun
Kuullâmtilálâšvuotâ uárnejuvvoo koskoho 3.4. tme 17–18.30 Lapland Hotels Hetta auditoriost.
Sämitigge puávdee mieldi Iänuduv Hettaast ornimnáál tilálâšvuotân Nato stuorrâhárjuttâsâst!
Kuullâmtilálâšvuođâ ulmen lii kuullâđ ulmui vuáttámušâid Naton Nordic Response 24 -stuorrâhárjuttâsâst já ton vaikuttâsâin aargân, pirrâsân já puásuituálun. Sämitigge lii perustum kuullâđ puohlágán vuáttámušâid já uáinuid, liähus talle positiivliih vuáttámušah teikâ ovdedemiävtuttâsah.
Tilálâšvuotâ lii puohháid ávus, mutâ savâstâllâm tuálloo kiddâdum uvsâiguin, te media ij valduu pääihi oolâ. Kuullâm ij päddejuu, mutâ tast čallojeh muuštonmerkkiimeh Sämitige kiävtun. Tilálâšvuotân ij vaidâlitteht tääl paste uásálistiđ káidusohtâvuođáin. Kulâmist puáhtá kevttiđ tom kielâ, mon haalijd, mutâ tulkkum ij lah uárnejum.
Lieggâsávt tiervâpuáttim!
Lasetiäđuh
Pirita Näkkäläjärvi
Saavâjođetteijee
044 7533 766
pirita.nakkalajarvi@samediggi.fi
