Sámediggi ordne Heahtás gullandilálašvuođa Nato stuorra soahtehárjehusa váikkuhusain árgii, birrasii ja boazodollui
Gullandilálašvuohta ordnejuvvo gaskavahko 3.4. dii. 17–18.30 Lapland Hotels Hetta auditorias.
Sámediggi bovde olbmuid mielde gullandilálašvuhtii Nato stuorra soahtehárjehusa birra, mii ordnejuvvo Eanodaga Heahtás!
Gullandilálašvuođa ulbmilin lea gullat olbmuid vásáhusaid Nato Nordic Response 25 -stuorra soahtehárjehusa birra ja dan váikkuhusain árgii, birrasii ja boazodollui. Sámediggi lea beroštuvvan gullat buotlágan vásáhusaid ja oainnuid, ledje dat dasto positiiva vásáhusat dahje ovddidanevttohusat.
Dilálašvuohta lea rabas buohkaide, muhto ságastallan dollojuvvo giddejuvvon uvssaiguin, de media ii váldo báikki ala. Gullamat eai báddejuvvo, muhto dain dahkkojit muituimerkejumit Sámedikki geavahussii. Dilálašvuhtii ii váidalahtti sáhte dán háve searvat gáiddusoktavuođa bokte. Gullamis sáhttá geavahit dan giela man háliida, muhto dulkon ii leat ordnejuvvon.
Lieggasit buresboahtin!
Lassedieđut
Pirita Näkkäläjärvi
Ságajođiheaddji
044 7533 766
pirita.nakkalajarvi@samediggi.fi
