Sämitigge uárnee tilekejâstuvâid tuotâvuotâ- já sovâdâttâmproosees ovdánmist sämiservijd

Sämitigge uárnee Teams-tilálâšvuođâid, main adeluvvoo äigikyevdilis tilekejâstâh sämmilij tuotâvuotâ- já sovâdâttâmkomissio loppâraapoort jotkâpargo ovdánmist já puáttee muddoin.

Tilálâšvuođâi ulmen lii meid kuullâđ sämiseervij uáinuid já ravvuid proosees puáttee mudoi várás. Savâstâlmijn tiäđustâleh eromâšávt uáinuid tast, magarijd aašijd já uáinuid puáttee muddoin ličij tehálâš pyehtiđ oovdân.

Tilálâšvuođah láá uáivildum sämiseervij ovdâsteijeid já jesânáid, iäge toh lah áávus aalmugân. Sämiseervij jesânáid lii vuolgâttum tiätu tilálâšvuođâin seervij peht.

Sämitigge parga eidu tuotâvuotâ- já sovâdâttâmkomissio loppâraapoort iävtuttâsâi ovdedem oovdân. Savâstâllâmtilálâšvuođah láá uási taan pargoost já toh noreh oohtân sämisiärvus uáinuid sovâdâttâmpargo juátkimist já ton puátteevuođâst. Sämitigge savâstâl tuotâvuotâ- já sovâdâttâmpargoost vijđáht meid sierâ sämmilâštuáimeiguin, tego Nuorttâlij sijdâčuákkimáin, Sämipalgâseh rs:jn, sämikuávlu palgâsijguin já Tiänu uásálâškudijguin.

Lasetiäđuh:

Pirita Näkkäläjärvi

Saavâjođetteijee

pirita.nakkalajarvi@samediggi.fi

+358 44 753 3766