Sääʹmteʹǧǧ jääʹrjast sääʹmõhttõõzzid mäʹttkiõčldõõǥǥid tuõttvuõtt- da suåvâdvuõttproseeʹss õuddnummšest

Sääʹmteʹǧǧ jääʹrjast Teams-pooddid, koin uuʹdet ääiʹjpoddsaž mäʹttǩiõčldõõǥǥ Säʹmmlai tuõttvuõtt- da suåvâdvuõttkomissio lopprapoort juätkktuâj õuddnem pirr da pueʹtti maaʹttin.

Pooddi mieʹrren lij lââʹssen kuullâd sääʹmõhttõõzzi vueiʹnlmid da jeäʹvstõõzzid proseeʹss pueʹtti maaʹtti vääras. Saǥstõõllmõõžžin kuulât jeäʹrben vueiʹnlmid tõʹst, måkam aaʹššid da vuäinnmõõžžid pueʹtti maaʹttin leʹčči täʹrǩǩ puʹhtted õuʹdde.

Poodd lie jurddum sääʹmõhttõõzzi eeʹttkõʹsttjid da vuäzzlaid, jie-ǥa tõk leäkku äävai pukid. Pooddi pirr lij teâđtum sääʹmõhttõõzzi vuäzzlaid õhttõõzzi pääiʹǩ.

Sääʹmteʹǧǧ tuejjad pääʹres ääiʹj tuâj Säʹmmlai tuõttvuõtt- da suåvâdvuõttkomissio lopprapoort eʹtǩǩõõzzi õõuʹdummša. Mäʹttkiõčldõõǥǥ sääʹmõhttõõzzid lie vueʹssen tän tuâjast nuʹt, što tõk nåʹrre õʹhtte sääʹmõutstõõzz vueiʹnlmid suåvâdvuõtt-tuâj juätkkmõõžžâst da tõn puäʹđlvest. Sääʹmteʹǧǧ mâânn tuõttvuõtt- da suåvâdvuõtt-tuâj vuârrsaǥstõõllmõõžž veiddsânji jeeʹres sääʹmtoiʹmmjeeʹjivuiʹm, mâʹte Saaʹmi siidsåbbrin, Sääʹmpalggâz rõ:in, sääʹmvuuʹd palggsivuiʹm da Teän vueʹssneǩ-kooʹddivuiʹm.

Lââʹssteâđ:

Pirita Näkkäläjärvi

Saaǥǥjååʹđteei

pirita.nakkalajarvi@samediggi.fi

Teʹl. +358 44 753 3766