Tuomas Aslak Juuso tuáimá saavâjođetteijee Pirita Näkkäläjäärvi sajasâžžân saavâjođetteijee vaanhimijriijâ ääigi

Sämitige saavâjođetteijeejuávkku lii sooppâm sajasâšorniistâlmijn saavâjođetteijee Pirita Näkkäläjäärvi vaahimijrijjâpajan.

Näkkäläjäärvi sajasâžžân saavâjođetteijee vaanhimijriijâ ääigi tuáimá II värisaavâjođetteijee Tuomas Aslak Juuso. Saavâjođetteijee Näkkäläjäärvi sektorovdâsvástádâsah láá juohhum I värisaavâjođetteijei Leo Aikion já II värisaavâjođetteijei Tuomas Aslak Juuson. Skammâmáánust soppum värisaavâjođetteijei jieijâs sektorovdâsvástádâsah  já saavâjođetteijeejuávhu ohtsiih ovdâsvástádâssyergih pisoh ain siämmážin.

Listo saavâjođetteijeejuávhu ovdâsvástádâsjuávust kávnoo taan tiäđáttâs loopâst.

Sajasâšorniistâlmeh puátih vuáimán uđđâivemáánust 2025, kuás saavâjođetteijee Näkkäläjärvi páácá vaanhimijriijân. Sajasâšorniistâlmeh puátih vuáimán táárbu mield jo tolebiššáá, jis saavâjođetteijee lii virgeriijâst.

– Mij lep saavâjođetteijeejuávkkun tuđâvááh sajasâšorniistâlmáid já eromâšávt toos, ete peessâp vuáváđ puáttee ive puorijn aigijn. Taat täähid jotkuuvâšvuođâ já čielgâsvuođâ, ko olášutškyettip toimâvuávám tiäddučuogâstuvâid puáttee ive aalgâst, iätá Sämitige saavâjođetteijee Pirita Näkkäläjärvi.

Saavâjođetteijeejuávhu jieškođe-uv jeessân ovdâsvástádâsâst láá suu ovdâsvástádâssektorij ciälkkámušah, iävtuttâsah, alguuh já uáivilalmottâsah sehe eres sullâsiih äššikirjeh.

Vyelni lii listo ovdâsvástádâssuorgijn vaanhimijriijâ ääigi:

Tuomas Aslak Juuso:

• olesovdâsvástádâs já stuárráábeh proseseh
• budjetääših
• aalmugijkoskâsâš toimâ
• EU-ääših
• sämikielah
• arâšoddâdem
• škovlimääših
• sosiaal- já tiervâsvuođâhuolâttâs
• oovtâstpargo Laapi pyereestvaijeemkuávloin
• eres sosiaaltorvo
• ovdâskoddejuávhui oovtâstpargo-orgaan saavâjođetteijee pargoh
• nuorâiääših
• kaavpugsämmilij ääših
• arvetävgiääših

Leo Aikio:

• iäláttâs-, vuoigâdvuotâ- já pirâsääših
• sämimađhâšem
• anarâšääših
• iäláttâshárjutteijei sosiaaltorvo
• Tiänun kyeskee ääših
• Lappi-sopâmušproosees
• kieldâoovtâstpargo
• kulttuurääših
• párnáikulttuur-, elleekove- já muusikkuávdáštoimâ, Duodji-akatemia
• kulttuurärbi

Saavâjođetteijeeh oovtâst:

• sämitiggelahâuđâsmittem
• šoŋŋâdâhnubástus, luándulappum
• tuotâvuotâ- já sovâdâttâmproosees
• tave-eennâmlâš sämisopâmuš

Lasetiäđuh:

Pirita Näkkäläjärvi
Saavâjođetteijee
044 7533 766
pirita.nakkalajarvi@samediggi.fi

Leo Aikio
I värisaavâjođetteijee
040 621 6505
leo.aikio@samediggi.fi

Tuomas Aslak Juuso
II värisaavâjođetteijee
040 687 3394
tuomas.juuso@samediggi.fi