Tuomas Aslak Juuso doaibmá ságadoalli Pirita Näkkäläjärvi sadjásažžan ságadoalli vánhemiidfriija áigge

Sámedikki ságadoallijoavku lea soahpan ságadoalli Pirita Näkkäläjärvi vánhemiidfriija áigásaš sadjásašortnemiin.

Näkkäläjärvi sadjásažžan vánhemiidfriija áigge doaibmá II várreságadoalli Tuomas Aslak Juuso. Ságadoalli Näkkäläjärvi vástosuorggit leat juhkkojuvvon I várreságadoalli Leo Aikioi ja II várreságadoalli Tuomas Aslak Juusoi. Skábmamánus sohppojuvvon várreságadoalliguoktá iežaska vástusuorggit sihke ságadoallijoavku oktasaš vástusuorggit bissot seammán.

Listu ságadoallijoavku vástujuogus gávdno dán dieđáhusa loahpas.

Sadjásašortnet bohtá fápmui ođđajagimánus 2025, go ságadoalli Näkkäläjärvi báhcá vánhemiidfriijai. Sadjásašvuođaortnega čuvvot dárbbu mielde juo árabut, jus ságadoalli lea virgefriijas.

– Mii leat ságadoallijoavkkus duđavaččat sadjásašvuođaordnemiidda ja eandalitge dasa, ahte mii beassat plánet boahtte jagi buriin áiggiin. Dát dáhkida bistevašvuođa ja čielggasvuođa, go mii álgit duohtandahkat doaibmaplána vuoruhemiid boahtte jagi álggu rájes, dadjá Sámedikki ságadoalli Pirita Näkkäläjärvi.

Ságadoallijoavkku guđege lahttu vástida vástosektoriiddis cealkámušain, evttohusain, álgagiin ja bealiváldimiin sihke eará vástideaddji áššebáhpáriin.

Vuolde listu vástusurggiin vánhemiidfriija áigge. 

Tuomas Aslak Juuso:  

• oppalašvástu ja stuorát proseassat
• bušeahttaáššit
• riikkaidgaskasaš doaibma
• EU-áššit
• sámegielat
• árrabajásgeassin
• skuvlenáššit
• sosiála- ja dearvvašvuođafuolahus
• ovttasbargu Lappi buresveadjinguovlluin
• eará sosiáladorvu
• riikkabeaijoavkkuid ovttasbargoorgána sátnejođiheaddji barggut
• nuoraidáššit
• gávpotsámiid áššit
• arvedávgeáššit

Leo Aikio: 

• ealáhus-, vuoigatvuođa- ja birasáššit
• sámemátkeealáhus
• anárašáššit
• ealáhusbargiid sosiáladorvu
• Deanu guoski áššit
• Lappi-soahpamušproseassa
• ovttasbargu gielddaiguin
• kulturáššit
• mánáidkultur-, filbma- ja musihkkaguovddášdoaibma, Duodji-akademiija
• kulturárbi

Ságadoallijoavku ovttas:

• sámediggeláhkaođastus
• dálkkádatnuppástus, luondojávku
• duohtavuođa- ja soabadanproseassa
• davviriikkalaš sámesoahpamuš

Lassidieđut:

Pirita Näkkäläjärvi
Sátnejođiheaddji
044 753 3766
pirita.nakkalajarvi@samediggi.fi

Leo Aikio
I várresátnejođiheaddji
040 621 6505
leo.aikio@samediggi.fi

Tuomas Aslak Juuso
II várresátnejođiheaddji
040 687 3394
tuomas.juuso@samediggi.fi