Vuođđu – uđđâ eenikielâ oppâmateriaal lii almosittum!   

Vuođđu – Powerpoint diasäärjih adeleh vaalmâš ideaid máttááttâspuddáid tavesämikielâ eenikielâ já kirjálâšvuođâ vuáđuaašijd máttáátmist. Digitaal häämist almostittum materiaal lii uáivildum vuáđuškoovlâ nube luoka máttááttâsân, mutâ oppâmateriaal puáhtá anneeđ ävkkin meid paajeeb luokai máttááttâsâst.  

Vuođđu-materiaaleh aicâlmiteh aašijd kuuvijn, moid puáhtá čäittiđ uáppeid tiätumaašin, projektor teikkâ fiättutaavvâl peht. Tienuuvt oppâmateriaal heivee pyereest meid káidusmáttááttâsân. Oovtâ máttááttâspuudâ kukkodâhhân láá árvuštâllâm suullân 15–20 minuttid.  

Oppâmateriaalist láá oovce uássid, mast máttááttuvvojeh čuávuvâš ääših:  

1. Ceelhâ 
2. Koččâmušah 
3. Lopâttemmeerhah 
4. Vokaleh já konsonanteh 
5. Diftoŋeh 
6. Geminateh 
7. Synonymeh 
8. Vyestikeejih 
9. Kuávlukielah 

Vuođđu-materiaaleh heivejeh oohtân Álgu-pyevtittâs Powerpoint materiaalijguin já heivejeh pyereest jotkân toid. Oppâmateriaal lii ráhtám sierânâsluokkamáttáátteijee Aura Pieski já koveh toos lii sárgum kovetaaidâr Nora Bäck. Vuođđu-materiaal almostittoo digitaalhäämist já tot lii luođimnáál sehe PPT já PDF- häämist máttáátteijee jieijâs tiäturân.  

Tolebáá almostum Árdna-kirjijn lii tääl almostittum mied luávdee máttáátteijee raavâkirje, mii fáálá oonâid já printtimnáál lasemateriaal tievâsmittiđ máttááttâs. Máttáátteijee raavâkirje almostittoo digitaallii häämist. 

Škoovlah Suomâst pyehtih tiiláđ materiaalijd Sämitiggeest čujottâsâst:  

digimateriaalit@samediggi.fi  

Lasetiäđuh:  

Marita Aikio 
Oppâmateriaalvuávájeijee 
040 662 9018 
marita.aikio@samediggi.fi