Sämitigge ocá meriáigásii oppâmaterial proojeektpargee sämikielâlii aabis pyevtitmân
Sämitigge almoot uđđâsist uuccâmnáál meriáigásii oppâmaterial proojeektpargee pargo.
Proojeektpargee pargoh lohtâseh sämikielâlii aabis pyevtitmân vuáđuškoovlâ algâmáttááttâsân. Proojeektpargee västid aabis kietâčälimist oovtâst anarâškielâlii oppâmateriaalpargein. Proojeektpargee pargoid kulá meid kovevuávám rähtim, oppâmaterial pedagogisâš vuávám já olášuttem, sehe huolâttiđ vuáváámist tast, ete oppâmaterial lii mainâslâš já sämikulttuur miäldásâš, oovtâst oppâmaterial pargojuávhoin.
Proojeektpargee parga noonâ oovtâstpargoost oppâmaterialvuávájeijeiguin.
Palvâluskoskâvuođâ tiäđuh
Meriáigásâš pargo álgáččij sopâmuš mield čohčâmáánust 2026. Meriáigásâš palvâluskoskâvuotâ pištá nelji mánuppaje, máhđulii joođhâst ráđádâlloo sierâ. Sämikielâlii aabis pyevtittem juátkoo ive 2027.
Oppâmateriaaltoimâttuv toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ káiduspargon.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm hiäivulâš škovlim já sämikielâ mättim (Sämitige pargo-oornig 71 §). Algâmáttááttâs material pyevtitmân mij uuccâp orjâlâškielâ mättee pargee. Pargo miänástuvvee hoittáámist iššeed rähtimnáál oppâmaterial sehe máttááttemnáál amnâs tubdâm, pargohárjánem oppâmaterialpargoost, hárjánem algâmáttááttâsâst sehe luuhâm- já čäällimtááiđu máttátmist, pyeri sämikulttuur tubdâm, huolâlâšvuotâ já pyereh vuáruvaikuttâstááiđuh.
Pälkki
Pälkki miärášuvá Sämitige pälkkivuáháduv vátávâšvuotâtääsi V/I mield (vuáđupälkki 2762,37 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 17.6.2026 räi šleđgâlii uuccâmluámáttuv peht (lekkâs uđđâ laasân).
Lasetiäđuid pargoost adelává vs. oppâmaterialaašij sierânâsäššitobdee Katja Semenoff, katja.semenoff@samediggi.fi já oppâmaterialvuávájeijee Marita Aikio, marita.aikio@samediggi.fi.
Sämitige tooimân puáhtá uápásmuđ čujottâsâst www.samediggi.fi já oppâmaterialij nettikáávpán čujottâsâst www.samediggi.fi/oppimateriaalikauppa/
Anarist 3.6.2026
Sämitigge
