Sääʹmteʹǧǧ ååcc mieʹrräiggsa mättmateriaal projeʹktt-tuâjjla sääʹmǩiõllsa abbâz puuʹttummša

Projeʹktt-tuâjjla tuâj kueʹsǩǩe sääʹmǩiõllsa abbâz puuʹtʼtummša vuâđđškooul alggmättʼtõʹsse. Projeʹktt-tuâjjlaž vaʹsttad abbâz ǩiõttǩeeʹrjtummšest õõutsââʹjest aanarsääʹmǩiõllsa mättmateriaaltuâjjlain. Projeʹktt-tuâjjla tuâjaid koʹlle še karttplaan raajjmõš, mättmateriaal pedagooglaž plaanummuž da teâuddjâttmõš, di še ââʹnned huõl mättmateriaal mainnâznallšemvuõđ di sääʹmkulttuur meâldlažvuõđ plaanummšest õõutsââʹjest mättmateriaal tuâjj-jooukin.

Projeʹktt-tuâjjlaž tåimm aktiivlaž õhttsažtuâjast mättmateriaalplaaneeʹjivuiʹm.

Kääzzkõskõskkvuõđ teâđ

Mieʹrräiggsaž tuâjj äälǥči suåppmõõžž mieʹldd čõhččmannust 2026. Mieʹrräiggsa kääzzkõskõskkvuõđ peštt lij nellj määnpââʹj, vueiʹtlvaž juätkast saǥstõõlât jeäʹrben. Sääʹmǩiõllsa abbâz puuʹtʼtõs juätkkai eeʹjjest 2027.

Mättmateriaalkonttâr tåimmpäiʹǩǩ lij sääʹmkulttuurkõõskõs Sajoozzâst, Aanrest, leša tuâj lij vueiʹtlvaž tuejjeed ougglõstuâjjan.

Ooʒʒjest vueʹrddep

Šiõttõsvuâđlaž ââʹntemõõlǥtõssân lij tuâj õõlǥtem škooultõs da sääʹmǩiõl täidd (Sääʹmteeʹǧǧ tuâjjriâššmõš 71 §). Alggmättʼtõõzz materiaal puuʹttummša ooccâp tâʹvvsääʹmǩiõl täiddsa tuâjjla. Tuâj oʹnnsteeʹjes håiddmõõžž ooudâsvieʹǩǩat tuâj mättmateriaal di mättʼtemaunnâz tobddmõš, tuâjjǩiõččlâsttmõš mättmateriaaltuâjast, ǩiõččlâsttmõš alggmättʼtõõzzâst di lookkâm- da ǩeeʹrjtemtääidai mättʼtummšest, pueʹrr sääʹmkulttuur tobddmõš, tääʹrǩesvuõtt di pueʹr vuârrvaaiktemtääid.

Päʹlǩǩvuõtt

Päʹlǩǩ meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz V/I mieʹldd (vuâđđpäʹlǩǩ 2762,37 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.

Ooccmõš

Ooccmõšlomakk, di jiijjâs maʹlle ǩeeʹrjtum ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 16.6.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).

• Ooccâmlomakk

Lââʹssteâđaid tuâjast ouʹdde vs. sueʹrǧǧäʹšštobddi mättmateriaalääʹšš Katja Semenoff, katja.semenoff@samediggi.fi ja mättmateriaalplaaneeʹjj Marita Aikio, marita.aikio@samediggi.fi.

Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi da mättmateriaali neʹttkauʹppe addrõõzzâst www.samediggi.fi/oppimateriaalikauppa/

Aanrest 2.6.2026
Sääʹmteʹǧǧ