Sämitigge ocá viestâdemaašij sierânâsäššitobdee virgesajasii

Sämitige viestâdemaašij pargoh láá luvâttâllum Sämitige pargo-oornigist saajeest 52 §. Sierânâsäššitobdee pargon lii ei. hoittáđ, vuáváđ já ovdediđ Sämitige viestâdmân kyeskee aašijd, moid kulá meid Sämitige viestâdemstrategia olášuttem, išediđ Sämitige saavâjođetteijeid já pargovievâ tieđettemtooimâst, sehe toimâđ jieijâs toimâsyergi aašijn valmâštellen já oovdânpyehten Sämitige toimâorgaanáid.

Palvâluskoskâvuođâ tiäđuh

Virgekoskâvuotâ álgá sopâmuš mield roovvâd-skammâmáánust 2026 já pištá juovlâmáánun 2027 räi.

Pargo tevdimist nuávdittuvvoo kuulmâ mánuppaje keččâlemäigi.

Viestâdemaašij sierânâsäššitobdee pargo lii Sämitiggeest almos toimâttuvâst. Sämitige toimâsaje lii Säämi kulttuurkuávdáš Sajosist, Anarist. Pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâvátámâššân lii virge vaattâm škovlim já lasseen váttoo sämikielâ mättim (Sämitige pargo-oornig 71 §). Pargo miänástuvvee hoittám váátá šiev sämikulttuur tubdâm, njyebžilis kirjálii já njálmálii olgospyehtim sehe šiev oovtâstpargo- já vuáruvaikuttâstááiđuid. Mij vyerdip meid kiärgusvuođâ jiečânâs porgâmân já šiev ornim- já tedduuhaldâšemnaavcâid. Ruotâ- já eŋgâlâskielâ máttu (kirjálâš já njálmálâš) sehe pargohárjánem viestâdem pargoin annojeh hiättun.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 13.9.2026 räi taan uuccâmluámáttuv peht (lekkâs uđđâ laasân):

• Uuccâmluámáttâh

Lasetiäđuid pargoost addel haldâttâhjođetteijee Pia Ruotsala-Kangasniemi puh 010 839 3106.

Sämitige tooimân puáhtá uápásmuđ čujottâsâst www.samediggi.fi

Anarist 13.8.2026
Sämitigge