Sámediggi ohcá diehtojuohkináššiid erenoamášáššedovdi virgesadjásačča
Sámediggi almmuha ohcanláhkai diehtojuohkináššiid erenoamášáššedovdi virgesadjásašvuođa.
Sámedikki diehtojuohkináššiid erenoamášáššedovdi barggut leat logahallojuvvon Sámedikki bargoortnega čuoggás 52 §. Erenoamášáššedovdi bargun lea ee. dikšut, plánet ja ovddidit Sámedikki diehtojuohkima guoskevaš áššiid maiddái Sámedikki diehtojuohkinstrategiija ollašuhttin, veahkehit Sámedikki ságajođiheaddjiid ja bargiid diehtojuohkindoaimmas, ja doaibmat iežas doaibmasuorgái gullevaš áššiid válmmaštallin ja áššemeannudeaddjin Sámedikki doaibmaorgánaide.
Bálvalangaskavuođa dieđut
Virgesadjásašvuohta álgá soahpamuša mielde golggot-skábmamánus 2026 ja bistá gitta juovlamánnui 2027.
Barggu deavdimis čuvvojuvvo golmma mánotbaji geahččalanáigi.
Diehtojuohkináššiid erenoamášáššedovdi bargu gullá Sámedikkis almmolaš doaimmahahkii. Sámedikki doaibmabáiki lea Sámekulturguovddáš Sajosis, Anáris. Barggu sáhttá bargat oassái gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man virgi eaktuda, ja dasa lassin gáibádussan lea sámegiela máhttu (Sámedikki bargoortnet 71 §). Barggu ceavzilis dikšun eaktuda sámekultuvrra dovdama, njuovžilis čálalaš ja njálmmálaš ovdanbuktima ja buriid ovttasbargan- ja gulahallandáidduid. Mii vuordit maiddái válmmašvuođa iehčanas bargamii-, buori organiseren ja streassagierdannávccaid. Ruoŧa- ja eaŋgalasgiela máhttu (čálalaš ja njálmmálaš) ja bargohárjánupmi diehtojuohkima bargguin gehččojuvvo ovdun.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 13.9.2026 dán elektrovnnalaš ohcamušskovi bokte (rahpasa ođđa lássii):
Lassedieđuid barggus addá hálddahusjođiheaddji Pia Ruotsala-Kangasniemi, tel. 010 839 3106.
Sámedikki doibmii sáhttá oahpásmuvvat čujuhusas www.samediggi.fi
Anáris 13.8.2026
Sámediggi
