Sääʹmteʹǧǧ ååcc saaǥǥtemaaʹšši sueʹrǧǧäʹšštoobdi veeʹrjsâjjsa
Sääʹmteʹǧǧ iʹlmmat ooccâmnalla saaǥǥtemaaʹšši sueʹrǧǧäʹšštoobdi veeʹrjsâjjsažvuõđ.
Sääʹmteeʹǧǧ saaǥǥtemaaʹšši sueʹrǧǧäʹšštoobdi tuâj liâ looǥtõllum Sääʹmteeʹǧǧ tuâjjriâššmõõžžâst pääiʹǩest 52 §. Sueʹrǧǧäʹšštoobdi tuâjjan lij jm. håiddad, plaaneed da viikkâd ooudâs teeʹǧǧ saakkummuž kuõskki aaʹššid mieʹldd looǥǥeeʹl Sääʹmteeʹǧǧ saaǥǥtemstrategia tiuʹddepiijjmõš, vieʹǩǩted Sääʹmteeʹǧǧ saaǥǥjååʹđteeʹjid da tuâjjlažkååʹdd teâđtemtåimmʼmõõžžâst, di tåimmad tåimmsueʹrjes kuulli aaʹššin valmštõõllʼjen da čiõʹlǧǧeeʹjen Sääʹmteeʹǧǧ tåimmorgaanid.
Kääzzkõskõskkvuõđ teâđ
Veeʹrjsâjjsažvuõtt älgg suåppmõõžž mieʹldd kålgg-skamm-mannust 2026 da peštt jooulmannu 2027 räjja.
Tuâj teâuddmõõžžâst jääʹǩǩtet kooum määnpââʹj ǩiččlõddâmääiʹj.
Saaǥǥtemaaʹšši sueʹrǧǧäʹšštoobdi tuâjj sâjjdâtt sääʹmteeʹǧǧest takai konttra. Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst Aanrest. Tuâj lij vueiʹtlvaž tuejjeed vuäzzas ougglõstuâjjan.
Ooʒʒjest vueʹrddep
Šiõttõsvuâđlaž ââʹntemõõlǥtõssân lij veeʹrj õõlǥtem škooultõs da lââʹssen õõlǥtet sääʹmǩiõl tääid (Sääʹmteeʹǧǧ tuâjjriâššmõš 71 §). Tuâj oʹnnsteeʹjes håiddmõš oudldad pueʹrr sääʹmkulttuur tobddmõõžž, njueʹbǯǯlõs ǩeerjlaž da njäälmlaž õlmmummuž di pueʹrr õhttsažtuâjj- da vuârrvaaiktõstääidaid. Vueʹrddep še vaalmâšvuõđ jiõččnaž tuâj tuejjummša, pueʹrr organisâʹsttem- da teäddǩiõrddâmpâstlvažvuõđ. Ruõccǩiõl da eŋgglõsǩiõl täidd (ǩeerjlaž da njäälmlaž) di tuâjjǩiõččlâsttmõš saakkummuž tuâjain ǩiõččât pueʹrren.
Päʹlǩǩvuõtt
Paʹlǩǩvuõtt meäʹrtââvv Sääʹmteeʹǧǧ paʹlǩǩvuõttriâžldõõǥǥ väʹǯǯelvuõtt-tääʹzz IV/II mieʹldd, vuâđđpäʹlǩǩ 2998,97 euʹrred/mp). Vuâđđpääʹlǩ lââʹssen määuʹset sääʹm dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 13.9.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. 010 839 3106.
Sääʹmteeʹǧǧ tåimmʼmõʹšše vuäitt tobdstõõttâd addrõõzzâst www.samediggi.fi.
Aanrest 13.8.2026
Sääʹmteʹǧǧ
