Návt tun tiilááh oppâmateriaalijd

Sämitigge pyevtit já ruttâd sämikielâlijd oppâmateriaalijd ovdâ- já vuáđumáttááttâs, luvâttuvâi, áámmátlii já rävisolmoošškovliittâs tárboid. Lasetiäđuid addel Sämitige škovlim- já oppâmateriaaltoimâttâh Anarist. 

Návt tun tiilááh oppâmateriaalijd

Tiervâpuáttim tiiláđ Sämitige oppâmateriaalijd! Nuurâ puoh kiirjijd, maid tun halijdah, uástukoorin já vuolgât tiilám škovlim- já oppâmateriaaltoimâttâhân. Ko tiilám lii valdum vuástá, mij vuolgâttep tunjin reekkig, mii siskeeld postâkoloid tiilám tiädu mield. Tiilám vuolgâttuvvoo, ko reekkig lii maksum.

Školáid

Sämitigge juáhá nuuvtá sämikielâlii oppâmateriaal, maid tot ráhtá, Suomâ vuáđuškovláid, nube tääsi oppâlájádâssáid já sämikielâlii arâšoddâdemohtâduvváid. Oppâkirjeh toimâttuvvojeh jo-uv poostâ peht teikâ taid puáhtá viežžâđ Sajosist. Škoovlâin piärroo postâkoloh.

Huám. toimâttemääigih! Avžuuttuvvoo, ete čoovčâ oppâkirjeh tiilájuvvojeh jo kiđđuv ovdil ko škovlâ nohá, vâi kirjeh kiergâneh ääigild luuhâmpaje aalgân.

Priivaat ulmuuh

Meid priivaat ulmuuh pyehtih tiiláđ Sämitige oppâmateriaalijd. Huám. rekigân lasettuvvoo postâkoloh tiilám tiädu mield. Tiilám vuolgâttuvvoo, ko reekkig lii maksum.

Olgoeennâm tiiláámeh

Olgoeennâm tiiláámijn pivdoo, ete reekkig máksoo muuneeld, mon maŋa kirjeh vuolgâttuvvojeh.

Digitaallâš materiaal

Sämitigge juáhá nuuvtá sämikielâlii oppâmateriaal, maid tot ráhtá, Suomâ vuáđuškovláid, nube tääsi oppâlájádâssáid já sämikielâlii arâšoddâdemohtâduvváid.

Tun kaavnah materiaalijd máttááttâs išen meiddei Oktavuohta -sijđoin.

Vuoluubeln sierâ ravvuuh škovláid já ovtâskâs ulmuid digimateriaalij kiävtunväldimân.

ŠKOOVLÂ JÁ MÁTTÁÁTTEIJEE RAAVÂ

Sämitige digitaalliih oppâmateriaaleh láá ive 2025 aalgâst sirdâšum kevttimnáál Otava nettipalvâlusâi peht.

Škoovlâin máttáátteijeeh uážžuh digitaallijd oppâmateriaalijd kiävttusis Otava Opepalvelu pirrâsist (muttoo kiđđuv 2025 Novan). Ovdil tom sij kalgeh registeristuđ kevtten Otava Opepalvelu -pirrâs registeristemsiijđost. Registeristum lii máhđulâš toohâđ meid ruotâ- tâi eŋgâlâskielân, ko molso siijđo kielâ. Tiätusyeje uásild puoh kevtteid nuávdittuvvoo Otava tiätusyejičielgiittâs.

Registeristum ohtâvuođâst máttáátteijee väljee jieijâs škoovlâ já olssis hiäivulii rooli. Rooli já oppâamnâsijd puáhtá molsođ maŋeláá, jis tile muttoo. Ravvuuh registeristmân kávnojeh registeristemsiijđo peht.

Jis škoovlâst ij lah vala kiävtust jieijâs Opepalvelu-piirâs, te pirrâs lekkâm várás škovlâ kalga vuolgâttiđ jieijâs tiäđuid Sämitiigán. Sämitigge vuolgât tiäđuid ovdâskulij Otavan, kost škoovlân liäkkoo jieijâs Opepalvelu-piirâs. Tiäđuh, moh ucemustáá kalgeh leđe:

  • Škoovlâ nommâ
  • Postâčujottâs
  • Postânummeer
  • Postâtoimâpäikki
  • Ohtâvuotâulmuu nommâ
  • Ohtâvuotâulmuu šleđgâpostâčujottâs
  • Ohtâvuotâulmuu puhelinnummeer

Škoovlâ tiäđuh vuolgâttuvvojeh šleđgâpostâčujottâsân digimateriaalit (ät) samediggi.fi. Sämitigge ij taarbâš tiäđuid škoovlâ máttáátteijein ige sii Opepalvelu-tubdâlduvâin.

Škoovlân nomâttum ohtâvuotâolmooš tuáimá Opepalvelu-pirrâs paijeentuállen. Škoovlâst lii máhđulâšvuotâ lasettiđ paijeentuállen meid eres pargeid tâi haldâttâhpargeid. Liŋkkâ ravvuid lii Linkkejä Otavan ohjesivuille (Liiŋkah Otava raavâsijđoid)-uásist.

Sämitigge huolât uđđâ oppâmateriaalijd Opepalvelu-pirrâsân Sämikuávlu vuáđuškovláid, luvâttuvváid já nube tääsi oppâlájádâssáid (Aanaar, Ucjuv, Iänuduv já Suáđigil kieldâin) sehe ovtâskâs škovláid Sämikuávlu ulguubeln, jis Sämitiggeest láá Opepalvelu-tiäđuh. Jis máttáátteijeeh huámmášeh, ete miinii digitaallijd oppâmateriaalijd váilu Opepalvelu-pirrâsist, tast puáhtá almottiđ Sämitige škovlim- já oppâmateriaaltoimâttâhân.

Sämitige digitaalliih oppâmateriaaleh láá škoovlâi kiävtust škovlâive häävild já Sämitigge huolât materiaaláid kyeskee lisensij uuđâdmijd ovdil škovlâive älgim.
Liiŋkah Otava suomâkielâláid raavâsijđoid:

Huám! Otava nettisiijđoi ravvuuh iä kuoskâ puoh oosijn Sämitige digitaallij oppâmateriaalij kevttimân tâi tiiláámân. Sämitige digitaallij oppâmateriaalij kevttimân já tiiláámân kyeskee ravvuuh kávnojeh Sämitige oppâmateriaalkäävpist tâi koijâdâlmáin škovlim- já oppâmateriaaltoimâttuvâst.

 

OVTÂSKÂS ULMUUH

Ovtâskâs ulmuuh pyehtih tiiláđ Sämitige pyevtittem digimateriaalijd jieijâs kiävtun Sämitige oppâmateriaalkäävpist.

Jis ovtâskâs olmooš ij kuulâ mongin Suomâ pele vuáđuškoovlâ, nube tääsi oppâlájádâs tâi eres škovlâorganisaatio máttáátteijeid teikâ uáppeejuávkun, sun puáhtá ovtâskâs olmožin finniđ Sämitige digitaallijd oppâmateriaalijd jieijâs kiävtun Otava Opiskelijan maailma -pirrâs (muttoo kiđđuv 2025 Novan) peht.

Ovdâmerkkâkove Otavan Opiskelijan maailma ovdâsiijđost, ko kevttee lii čáládâttâm siisâ palvâlusân já sust láá materiaaleh kiävtustis. Kove: Sämitigge

Ovtâskâs olmooš kalga aalgâst registeristuđ jieijâs kevtten Otavan Opiskelijan maailma palvâlusân. Registeristum lii máhđulâš toohâđ meid ruotâ- tâi eŋgâlâskielân, ko molso siijđo kielâ. Tiätusyeje uásild puoh kevtteid nuávdittuvvoo Otava tiätusyejičielgiittâs. Sii tiätusyejičielgiittâs lii meid ruotâ- já eŋgâlâskielân. Ravvuuh registeristmân kávnojeh registeristemsijđo peht.

Registeristum maŋa ovtâskâs olmooš almoot Sämitige škovlim- já oppâmateriaaltoimâttâhân tiäđu jieijâs Opiskelijan maailma -palvâlus kevtteetubdâlduvâst. Tiätu vuolgâttuvvoo šleđgâpostâčujottâsân digimateriaalit (ät) samediggi.fi. Kevtteetubdâldâhân lohtâseijee syelisääni Sämitigge tâi eres uásipeeli ij koijâd, ige tom koolgâ vuolgâttiđ šleđgâpostáin kiässán.

Ko tiätu kevtteetubdâlduvâst lii puáttám Sämitige škovlim- já oppâmateriaaltoimâttâhân, vuolgâttuvvoo tast tiätu ain ovdâskulij Otavan. Kevtteetubdâldâhân lahtojeh toh digitaalliih oppâmateriaaleh, maid kevttee lii Sämitiggeest tiilám. Sämitigge huolât kevttee uástim materiaalijn tiäđuid Otavan.

Ulmen lii, ete tiilájum materiaaleh uáinojeh Otava Opiskelijan maailma -palvâlusâst muádi argâpeeivi siste, mutâ jis toimâttem merhâšitteht maŋŋaan, puátá tast almottâs Sämitiggeest. Kalga väldiđ huámmášumán tiiláámij kieđâvuššâmaaigijd, moh kyeskih Sämitige nettikáávpán. Toh sättih vaiguttiđ meid digitaallij oppâmateriaalij tiiláámij kieđâvušmân já ton peht palvâlempálgá jotteelvuotân.

Sämitiggeest ostum digimateriaalij kiävtun ij lah räijejum äigi, mutâ teknisij olášuttemsuujâi keežild digitaalliih oppâmateriaaleh miäruštâllojeh oinuđ luuhâmive häävild. Sämitigge viggá uđâdiđ materiaaláid lohtâseijee lisensijd ovdil luuhâmive älgim. Jis kuittâg miinii materiaalijd jaska iivij ääigi oinuumist, puáhtá tast leđe ohtâvuođâst Sämitige škovlim- já oppâmateriaaltoimâttâhân.
Liiŋkah Otava suomâkielâláid raavâsijđoid:

Huám! Otava nettisiijđoi ravvuuh iä kuoskâ puoh oosijn Sämitige digitaallij oppâmateriaalij kevttimân tâi tiiláámân. Sämitige digitaallij oppâmateriaalij kevttimân já tiiláámân kyeskee ravvuuh kávnojeh Sämitige oppâmateriaalkäävpist tâi koijâdâlmáin škovlim- já oppâmateriaaltoimâttuvâst.