Ná diŋgot oahppamateriálaid

Sámediggi buvttada ja ruhtada sámegielat oahppamateriálaid ovda- ja vuođđooahpahusa, logahagaid, ámmátlaš ja rávisolbmuid skuvlejumi dárbbuide. Lassedieđuid addá Sámedikki skuvlen- ja oahppamateriáladoaimmahat Anáris.

Ná diŋgot oahppamateriálaid

Bures boahtin diŋgot Sámedikki oahppamateriálaid! Čohkke buot girjjiid, maid háliidat diŋgot, oasttusgorii ja sádde diŋgojumi skuvlen- ja oahppamateriáladoaimmahahkii. Go diŋgomuš lea vuostáiváldon, mii sáddet dutnje rehkega, mii sisttisdoallá gieđahallanmávssu (5,00 €) ja poastagoluid báhka deattu mielde. Báhkka sáddejuvvo, go rehket leat máksojuvvon.

Skuvllaide

Sámediggi juohká nuvttá iežas sámegielat oahppamateriála Suoma vuođđoskuvllaide, nuppi dási oahppolágádusaide ja sámegielat árrabajásgeassinossodagaide. Oahppogirjjit doaimmahuvvojit jogo poastta mielde dahje daid sáhttá viežžat Sajosa infos, go čájeha diŋgonkuitte. Skuvllain berrojuvvo 5,00 € rehkega gieđahallanmáksu ja poastagolut.

Fuomáš doaimmahanáiggiid! Sávvat, ahte skuvllat diŋgojit čavčča oahppogirjjiid jo giđđat ovdal go skuvla nohká, vai girjjit leat skuvllas áiggil go skuvla álgá.

Priváhta olbmot

Maiddái priváhta olbmot sáhttet diŋgot Sámedikki oahppamateriálaid. Fuomáš! Rehkegii lasihuvvo 5,00 € rehkega gieđahallanmáksu ja poastagolut pákeha deattu mielde. Páhkka sáddejuvvo go rehket lea máksojuvvon.

Diŋgojumit olgoriikii

Go oahppamateriála diŋgojuvvo olgoriikii, de rehkega galgá vuos máksit ja dan maŋŋá girjjit sáddejuvvojit diŋgojeaddjái.

Digitála materiála

Go diŋgot digitála oahppamateriálaid, de galggat laktit diŋgojupmái skuvlla nama, oahppiidlogu (geat geavahit dán materiála) ja oahpaheaddji nama ja šleađgapoastačujuhusa. Skuvlen- ja oahppamateriáladoaimmahat sádde oahpaheaddji šleađgapostii čálihandovddaldagaid sihke oahpaheaddjái ja oahppiide. Suoma skuvllaide digitála oahppamateriálat leat nuvttá.  

Rabas digimateriálat

Buohkaide rabas digitála materiálaide beassá njuolga neahttaliŋkka bokte, iige daid dárbbaš sierra diŋgot.

Gávnnat oahpahusa veahkkin materiálaid maiddái Oktavuohta -siidduin.