Ná diŋgot oahppamateriálaid
Sámediggi buvttada ja ruhtada sámegielat oahppamateriálaid ovda- ja vuođđooahpahusa, logahagaid, ámmátlaš ja rávisolbmuid skuvlejumi dárbbuide. Lassedieđuid addá Sámedikki skuvlen- ja oahppamateriáladoaimmahat Anáris.
Ná diŋgot oahppamateriálaid
Bures boahtin diŋgot Sámedikki oahppamateriálaid! Čohkke buot girjjiid, maid háliidat diŋgot, oasttusgorii ja sádde diŋgojumi skuvlen- ja oahppamateriáladoaimmahahkii. Go diŋgomuš lea vuostáiváldon, mii sáddet dutnje rehkega, mii sisttisdoallá poastagoluid báhka deattu mielde. Báhkka sáddejuvvo, go rehket leat máksojuvvon.
Skuvllaide
Sámediggi juohká nuvttá iežas sámegielat oahppamateriála Suoma vuođđoskuvllaide, nuppi dási oahppolágádusaide ja sámegielat árrabajásgeassinossodagaide. Oahppogirjjit doaimmahuvvojit jogo poastta mielde dahje daid sáhttá viežžat Sajosis. Skuvllain berrojuvvo poastagolut.
Fuomáš doaimmahanáiggiid! Sávvat, ahte skuvllat diŋgojit čavčča oahppogirjjiid jo giđđat ovdal go skuvla nohká, vai girjjit leat skuvllas áiggil go skuvla álgá.
Priváhta olbmot
Maiddái priváhta olbmot sáhttet diŋgot Sámedikki oahppamateriálaid. Fuomáš! Rehkegii lasihuvvo poastagolut pákeha deattu mielde. Páhkka sáddejuvvo go rehket lea máksojuvvon.
Diŋgojumit olgoriikii
Go oahppamateriála diŋgojuvvo olgoriikii, de rehkega galgá vuos máksit ja dan maŋŋá girjjit sáddejuvvojit diŋgojeaddjái.
Digitála materiála
Sámediggi juohká nuvttá iežas sámegielat oahppamateriála Suoma vuođđoskuvllaide, nuppi dási oahppolágádusaide ja sámegielat árrabajásgeassinossodagaide.
Gávnnat oahpahusa veahkkin materiálaid maiddái Oktavuohta -siidduin.
Vulobealde leat sierra rávvagat skuvllaide ja ovttaskasolbmuide digimateriálaid atnui váldimii.
SKUVLLA JA OAHPAHEADDJI RÁVA
Sámedikki digitála oahppomateriálat leat jagi 2025 álggus sirdojuvvon geavahan láhkai Otava fierpmebálvalusaid bokte.
Skuvllain oahpaheaddjit ožžot digitála oahppomateriálaid atnuideaset Otava Opepalvelu-birrasis. Ovdal dan sii galget registreret iežaset geavaheaddjin Otava Opepalvelu-birrasa registrerensiiddus. Registrerema lea vejolaš dahkat maid ruoŧa dahje eŋgelasgillii go molsu siiddu giela. Diehtosuoji dáfus buot geavaheddjiide gusto Otava diehtosuodječilgehus.
Registrerema olis oahpaheaddji vállje listtus iežas skuvlla ja alcces heivvolaš rolla. Rolla ja oahppoávdnasiid lea vejolaš molsut maŋŋá, jus dilli rievdá. Rávvagat registreremii leat registrerensiiddu bokte.
Jus skuvllas ii leat vel anus iežas Opepalvelu-biras, de birrasa rahpama várás skuvla sáhttá sáddet iežas dieđuid Sámediggái. Sámediggi sádde viidásit dieđuid Otavai, gos skuvlii rahppojuvvo iežas Opepalvelu-biras. Dieđut, mat unnimusat galget leat:
- Skuvlla namma
- Poastačujuhus
- Poastanummir
- Poastadoaibmabáiki
- Oktavuođaolbmo namma
- Oktavuođaolbmo šleađgapoastačujuhus
- Oktavuođaolbmo telefonnummir
Skuvlla dieđut sáddejuvvojit šleađgapoastačujuhussii digimateriaalit (ät) samediggi.fi. Sámediggi ii dárbbaš dieđuid skuvlla oahpaheddjiid iige sin Opepalvelu-dovddaldagain.
Skuvlii nammaduvvon oktavuođaolmmoš doaibmá Opepalvelu-birrasa bajásdoallin. Skuvllas lea vejolaš lasihit bajásdoallit maid eará bargiid dahje hálddahusbargiid. Liŋka rávvagiidda lea Liŋkkat Otava bagadallansiidduide -oasis.
Sámediggi fuolaha ođđa oahppomateriálaid Opepalvelu-birrasiidda Sámeguovllu vuođđoskuvllaide, logahagaide ja joatkkaskuvllaide (Anára, Ohcejoga, Eanodaga ja Soađegili gielddain) sihke ovttaskas skuvllaide Sámeguovllu olggobealde, jus Sámedikkis leat skuvllaid Opepalvelu-dieđut. Jus oahpaheaddjit fuomášit ahte mii nu digitála oahppomateriála váilu Opepalvelu-birrasis, dan birra sáhttá almmuhit Sámedikki skuvlen- ja oahppomateriáladoaimmahahkii.
Sámedikki digitála oahppomateriálat leat skuvllaide geavahusas skuvlajagi hávális ja Sámediggi fuolaha materiálaide guoski liseanssaid ođadeami ovdal skuvlajagi álggu.
Liŋkkat Otava suomagielat bagadallansiidduide:
- Otava Oppimisen palvelut: opettajan ohje perusopetuksen oppilasryhmien hallinta
- Otava Oppimisen palvelut: opettajan ohje lukion ja toisen asteen opiskelijaryhmien hallinta
- Otava Oppimisen palvelut: ylläpitäjäoikeuksien lisääminen opettajalle tai useammalle henkilölle
- Otava Oppimisen palvelut: Koulun tilaamien lisenssitietojen tarkistaminen Opepalvelussa
OVTTASKASOLBMOT
Ovttaskasolbmot sáhttet diŋgot Sámedikki buvttadan digimateriálaid iežaset geavahussii Sámedikki oahppomateriálagávppis.
Go ovttaskasolmmoš ii gula makkárge Suoma beale vuođđoskuvlla, joatkkaskuvlla dahje eará skuvlalágádusa oahpaheddjiide dahje studeantajovkui, son sáhttá ovttaskasolbmot oažžut Sámedikki digitála oahppomateriálaid iežas geavahussii Otava Opiskelijan maailma -birrasa bokte.
Ovdamearka Otava Opiskelijan maailma -bálvalusa siiddus go geavaheaddji lea čálihan sisa bálvalussii ja sus leat materiálat geavahusas. Govva: Sámediggi.
Ovttaskasolmmoš galgá álggos registreret iežas geavaheaddjin Otava Opiskelijan maailma -bálvalussii. Registrerema lea vejolaš dahkat maid ruoŧa- dahje eŋgelasgillii go molsu siiddu giela. Diehtosuoji dáfus buot geavaheddjiide gusto Otava diehtosuodječilgehus. Sin diehtosuodječilgehussii lea maid ruoŧa- ja eŋgelasgillii. Rávvagat registreremii gávdnojit registrerensiiddu bokte.
Registrerema maŋŋá ovttaskasolmmoš almmuha Sámedikki skuvlen- ja oahppomateriáladoaimmahahkii dieđu iežas Opiskelijan maailma-bálvalusa geavaheaddjidovddaldaga. Dieđu dan birra galgá sáddet šleađgapoastačujuhussii digimateriaalit (ät) samediggi.fi. Geavaheaddjedovddaldahkii laktáseaddji suollemassáni Sámediggi dahje eará oassebealli ii jeara, iige dan galgga sádde šleađgapoasttain geasage.
Go diehtu geavaheaddjedovddaldagas lea boahtán Sámedikki skuvlen- ja oahppomateriáladoaimmahahkii, sáddejuvvo dan birra diehtu viidásit Otavai. Geavaheaddjedovddaldahkii laktojuvvo dat digitála oahppomateriálat, maid geavaheaddji lea Sámedikkis diŋgon. Sámediggi fuolaha geavaheaddji oastán materiálain dieđuid Otavai.
Ulbmilin lea ahte diŋgojuvvon materiálat oidnogohtet Otava Opiskelijan maailma -bálvalusas moatti árgabeaivvi sisa, muhto jus laktin sakka maŋŋona, boahtá das almmuhus Sámedikki. Fuomášanveara ášši lea Sámedikki fierpmegávppi diŋgojumiid gieđahallanáiggit. Dat sáhttet váikkuhit maiddái digitála materiálaid diŋgojumiid gieđahallamiidda ja dan bokte bálvalanbálgá johtilvuhtii.
Sámedikkis ostojuvvon digimateriálaid geavaheapmi ii leat dál áiggiin ráddjejuvvon, muhto teknihkalaš ollašuhttinsivaid geažil digitála oahppomateriálat meroštallojuvvojit oidnot lohkanbaji hávális. Sámediggi figgá ođadit materiálaide laktáseaddji liseanssaid ovdal lohkanbaji álggu. Jus goittotge juoga materiála heaitá jagiid áigge oidnomis, sáhttá dan birra leat oktavuođas Sámedikki skuvlen- ja oahppomateriáladoaimmahahkii.
Liŋkkat Otava suomagielat bagadussiidduide:
Fuobm! Otava fierpmesiidduid rávvagat eai guoskka buot osiin Sámedikki digitála oahppomateriálaid geavaheami dahje diŋgoma. Sámedikki digitála oahppomateriálaid geavaheapmái ja diŋgomiidda guoski rávvagat gávdnojit Sámedikki oahppomateriálagávppis dahje jearadettiin skuvlen- ja oahppomateriáladoaimmahagas.
