Sämitigge ocá meriáigásii haldâttâhvuávájeijee
Sämitigge almoot uuccâmnáál meriáigásii haldâttâhvuávájeijee pargo.
Haldâttâhvuávájeijee pargon lii Sämitige haldâttâhhoovdâ vuálásâžžân valmâštâllâđ almoshaldâttâhân lohtâseijee pargoid já toimâđ haldâttâhhoovdâ išedeijen.
Palvâluskoskâvuođâ tiäđuh
Pargo álgá sopâmuš mield nuuvt jotelávt ko máhđulâš. Meriáigásii palvâluskoskâvuođâ kukkodâh lii kuttâ mánuppaje, máhđulávt kuhheeb-uv. Máhđulii joođhâst suáppoo sierâ. Virgekoskâvuođâ tevdimist nuávdittuvvoo kyevti mánuppaje keččâlemäigi.
Pargosaje lii Anarist, Säämi kulttuurkuávdáš Sajosist.
Occest mij vyerdip
Tohálâšvuođâiähtun lii pargo vaattâm hiäivulâš škovlim já sämikielâ táiđu (asâttâs 1727/95). Pargo miänástuvvee hoittáámist iššeed vijđes haaldâtlij pargoi tubdâm, šiev sämikulttuur tubdâm já naavcah jiečânâs, ovdâsvástádâslii porgâmân. Mij anneep áárvust šiev oovtâstpargo- já vuáruvaikuttâstááiđuid.
Pälkki
Vuávájeijee pälkki miärášuvá Sämitige pälkkivuáháduv vátávâšvuotâtääsi IV/III mield (vuáđupälkki 2931,34 eurod/mp). Vuáđupäälhi lasseen pargoost máksojeh 24 % sämikuávlu lase já pargohárjánem mield miärášuvvee hárjánemlaseh.
Uuccâm
Uuccâmluámáttuv, rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 5.1.2026 räi taan šleđgâlii uuccâmluámáttuv peht: Uuccâmluámáttâh
Lasetiäđuid pargoost addel Sämitige haldâttâhhovdâ Pia Ruotsala-Kangasniemi p. 010 839 3106. Sämitige tooimân puáhtá uápásmuđ nettičujottâsâst www.samediggi.fi.
Anarist 22.12.2025
Sämitigge
