Sämitigge ocá tavesämikielâ jurgâleijee sajasii
Sämitigge almoot uuccâmnáál tavesämikielâ jurgâleijee virgesajasâšvuođâ.
Jurgâleijee pargon lii hoittáđ tavesämikielâ jurgâlem- já sánádâhpargoid sämikielâ toimâttuvâst.
Palvâluskoskâvuođâ tiäđuh
Sajasâšvuotâ álgá sopâmuš mield uđđâivemáánust 2027 já pištá 31.12.2028 räi. Tooimâst lii kuuđâ mánuppaje keččâlemäigi.
Sämikielâ toimâttâh lii Anarist, Säämi kulttuurkuávdáš Sajosist. Pargo lii máhđulâš porgâđ káidusin.
Occest mij vyerdip
Jurgâleijee tohálâšvuotâvátámâššân lii paargon hiäivulâš ollâškovlâtođhos tâi eres škovlim sehe laavâst auktorisistum jurgâleijen (1231/2007) uáivildum vuoigâdvuotâ toimâđ auktorisistum jurgâleijen suomâkielâst tavesämikielân tâi nubijkulij.
Pargo miänástuvvee hoittáámist iššeed pargohárjánem jurgâlempargoin, šiev tavesämikielâ já sánáduv tubdâm, sehe naavcah jiečânâs já huolâlii porgâmân. Mij anneep áárvust šiev oovtâstpargo- já vuáruvaikuttâstááiđuid.
Pälkki
Jurgâleijee pälkki miärášuvá Sämitige pälkkivuáháduv vátávâšvuotâtääsi IV/IV miäldásávt (vuáđupälkki 2964,06 eurod/mp). Vuáđupäälhi lasseen pargoost máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulii, rijjâhámásii uuccâmreeivâ sehe máhđulii ánsuluvâttâllâm já eres lahtosijd (kirjálijd tuođâštusâid kielâtááiđust já totkosijn) kalga toimâttiđ Sämitige čäällimkoodán majemustáá 30.11.2026 räi taan uuccâmluámáttuv peht (lekkâs uđđâ laasân):
Lasetiäđuid pargoost addel Sämitige kielâliih vuoigâdvuođâi sierânâsäššitobdee, toimâttuv hovdâ Anne Kirste Aikio, puh. 040 707 5626 tâi anne-kirste.aikio(at)samediggi.fi
Sämitige tooimân puáhtá uápásmuđ nettičujottâsâst www.samediggi.fi
13.11.2026 Anarist
Sämitigge
