Sámediggi ohcá davvisámegiela jorgaleaddji sadjásačča
Sámediggi almmuha ohcanláhkai davvisámegiela jorgaleaddji sadjásašvuohta.
Jorgaleaddji bargun lea dikšut davvisámegiela jorgalan- ja sátnerádjobargguid sámegiela doaimmahagas.
Dieđut bálvalangaskavuođas
Sadjásašvuohta álgá soahpamuša mielde ođđajagemánus 2027 ja bistá 31.12.2028 rádjái. Barggus čuvvojuvvo guđa mánotbaji geahččalanáigi.
Sámegiela doaimmahat lea Anáris, Sámekulturguovddáš Sajosis. Barggu sáhttá bargat gáiddusin.
Ohccis vuordit
Jorgaleaddji gelbbolašvuođagáibádussan lea bargui heivvolaš allaskuvladutkkus dahje eará skuvlejupmi sihke auktoriserejuvvon jorgaleaddjiin addojuvvon lágas (1231/2007) dárkkuhuvvon vuoigatvuohta doaibmat auktoriserejuvvon jorgaleaddjin suomagielas davvisámegillii dahje juo nuppegežiid.
Doaimma ceavzilis dikšuma veahkeha bargohárjánupmi jorgalanbargguin, ahte dovdá bures davvisámegiela ja sátneráju, ja nákce bargat iehčanasat ja fuolalaččat. Mii atnit árvvus buriid ovttasbargan- ja gulahallandáidduid.
Bálká
Jorgaleaddji bálká mearrašuvvá Sámedikki bálkávuogádaga gáibádusdási IV/IV mielde (vuođđobálká 2964,06 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja vásáhuslasit, mat mearrašuvvet bargohárjánumi mielde.
Ohcan
Ohcanskovi ja eaktodáhtolaš, friijahápmásaš ohcanreivve ja vejolaš ánsologahallama ja eará čuvvosiid (čálalaš duođaštusat giellamáhtus ja dutkosiin) galgá máhcahit Sámedikki čállingoddái 30.11.2026 rádjai dán elektrovnnalaš ohcamušskovi bokte (rahpasa ođđa ruvttui):
Lassedieđuid barggu birra addá Sámedikki giellavuoigatvuođaid erenoamášáššedovdi, doaimmahathoavda Anne Kirste Aikio tel. 040 707 5626 dahje anne-kirste.aikio(at)samediggi.fi.
Sámedikki doaimmaide sáhttá oahpásmuvvat neahttačujuhusas www.samediggi.fi
13.11.2026 Anáris
Sámediggi
