Sääʹmteʹǧǧ ååcc tâʹvvsääʹm jåårǥlõʹtti sâjjsa
Sääʹmteʹǧǧ iʹlmmat ooccâmnalla tâʹvvsääʹm jåårǥlõʹtti veʹrǧǧsâjjsažvuõđ.
Jåårǥlõõʹtti tuâjjan lij håiddad tâʹvvsääʹm jåårǥlâʹttem- da sannõstuâjaid sääʹmǩiõl konttrest.
Kääzzkõskõskkvuõđ teâđ
Sâjjsažvuõtt älgg suåppmõõžž mieʹldd ođđeeʹjjmannust 2027 da peštt 31.12.2028 räjja. Tuâjast jääʹǩǩtet kuuđ määnpââʹj ǩiččlõddâmääiʹj.
Sääʹmǩiõl koontâr lij Aanrest, sääʹmkulttuurkõõskõs Sajoozzâst. Tuâj lij vueiʹtlvaž tuejjeed ougglõstuâjjan.
Ooʒʒjest vueʹrddep
Jåårǥlõõʹtti ââʹntemõõlǥtõssân lij tuõjju šiõttlõs õllškooultuʹtǩǩõs leʹbe jeeʹres škooultõs di lääʹjjest auktorisõsttum jåårǥlõõʹttjin (1231/2007) jurddum vuõiggâdvuõtt toiʹmmjed auktorisõsttum jåårǥlõʹttjen lääʹddǩiõlâst tâʹvvsääʹmǩiõʹlle leʹbe nuʹbiooʹri.
Tuâj oʹnnsteeʹjes håiddmõõžž ooudâsvieʹǩǩat tuâjjǩiõččlâsttmõš jåårǥlâʹttemtuâjain, pueʹrr tâʹvvsääʹmǩiõl da sannõõzz tobddmõš, di odd jiõččniʹžže da tääʹrǩes tuâj tuejjummša. Ââʹnnep äärvast pueʹrr õhttsažtuâjj- da vuârrvaaiktemtääidaid.
Päʹlǩǩvuõtt
Jåårǥlõõʹtti päʹlǩǩ meäʹrtââvv sääʹmteeʹǧǧ päʹlǩǩvuõttriâžldõõǥǥ väʹǯǯelvuõtt-tääʹzz IV /IV meâldlânji (vuâđđpäʹlǩǩ 2964,06 euʹrred / mp). Vuâđđpääʹlǩ lââʹssen tuâjast määuʹset 24 % sääʹmvuuʹd lââʹss säʹmmlai dommvuuʹdest tuejjeʹmmen da tuõjju härjjnem mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiõččtäättlaž, jiijjâz maʹlle ǩeeʹrjtum ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz (ǩeerjlaž tuõđštõõzz ǩiõlltääidast da tuʹtǩǩõõzzin) âʹlǧǧe tååimted Sääʹmteeʹǧǧ piisarkådda 30.11.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd Sääʹmteeʹǧǧ ǩiõlʼlaž vuõiggâdvuõđi sueʹrǧǧäʹšštobddi, konttâr jååʹđteeʹjj Anne Aikio 040 707 5626 leʹbe anne-kirste.aikio(at)samediggi.fi
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi
13.11.2026 Aanrest
Sääʹmteʹǧǧ
