Iävtukkâs asâttem uđđâsist ornimnáál sämitige vaaljâin

Uđđâsist ornimnáál sämitiggevaaljah toimâttuvvojeh 3.6.–1.7.2024.

Alemus haldâttâhriehti (AHR) lii meridâm, ete sämitiggevaaljâid kalga orniđ uđđâsist. Vaaljâin kiävttoo AHR miärádâs mield ive 2023 sämitiggevaaljâi valjâluvâttâllâm, moos lasettuvvojeh AHR meridem ulmuuh. Tastko uđđâ vaaljâin kiävttoo siämmáš valjâluvâttâllâm ko ive 2023, te uđđâ ucâmušah iä kieđâvuššuu tai vaaljâi ohtâvuođâst. 31.12.2022 maŋa  puáttám ucâmušah kieđâvuššojeh, ko ráhtoo čuávuvái vaaljâi valjâluvâttâllâm.

Sämitiggeest adelum laavâ (974/95, nubástum 1279/02) 27 § mield iävtukkâs Sämitige vaaljâin pyehtih asâttiđ ucemustáá kulmâ ulmuu, kiäh láá merkkejum jienâstemvuoigâdvuođâlâžžân Sämitige valjâluvâttâlmân. Iävtukkâsasâttâllâm várás tiävdoo väljejeijeeseervi vuáđudemäššikirje já iävtukkâs miettâmluámáttâh, maid kalga vuáláčäälliđ já macâttiđ valjâlävdikoodán majemustáá vyesimáánu 3. peeivi 2024 ovdil tme 16.00.

Luámáttuvâid puáhtá printtiđ www.samediggi.fi/an/vaaljah-2024/

Luámáttâh iävtukkâsasâttem várás

Tärhibijd tiäđuid já printtejum luámáttuvâid finnee valjâlävdikode toimâttuvâst

Säämi kulttuurkuávdáš Sajos
Sämitigge, valjâlävdikodde
Menesjärventie 2A
99870 Aanaar
puh. 044 720 3106, 044 700 4150, 040 775 2443
šleđgâpoostâ peht vaalit@samediggi.fi tâi https://secmail.com/send/m7jcWH7B.

Valjâlävdikodde