Ive 2026 kulttuurpalhâšumeh Maire Saijetsân já Maarit Länsmanân - palhâšumeh juáhhojeh Anarist 29.5. já Ucjuuvâst 19.6.
Sämitige kulttuurlävikodde juáhá ive 2026 kulttuurpalhâšume Aanaar 150- já Ucjuv 150-juhleive kunnen Aanaarlii Mihkku Elle Maire Saijetsân já Ucjuvlâžân siärváduv kielâ já kulttuur kättei Rájájon Máret, Maarit Länsmanân.
Kulttuurpalhâšume mieđettuvvoo ucâmušttáá já ton ulmen lii palhâšiđ kulttuur tahhee tâi taaiđâr tubdâstâssân merhâšittee pargoost sämmilii kulttuureellim pyerrin.
Maire Saijets (Kove: Riitta Orti-Berg) ja Maarit Länsman (Kove: Jonna Lähteenmäki)
Maire Saijets kulttuurpalhâšume jyehimtilálâšvuotâ
Vástuppeeivi vyesimáánu 29. peeivi 2026 tme 9–11
Säämi kulttuurkuávdáš Sajosist, Anarist
Säämi máttááttâskuávdáá kiđđâjuhleest
Maire Saijets (1963), tyejimáttáátteijee, lii meddâl tuáijárperrust Aanaarjuv Mihkku -pääihist, Anarist. Sun lii čođâldittâm Säämi máttááttâskuávdáást sämityeje eromâšáámmáttotkos, mon maŋa sun lii porgâm sämityeje ooleest máttáátteijen. Maire oopâi jo pääihist anneeđ áárvust vaanhimij tyejitááiđu. Aalmugopâttuv já Säämi máttááttâskuávdáá kuursâin sun aalgij jieš-uv tuoijuđ aktiivlávt já tast peesâi oppâđ sierâ amnâsijn rahtum tuojijd.
Maarit Länsman kulttuurpalhâšume jyehimtilálâšvuotâ
Vástuppeeivi kesimáánu 19. peeivi 2026 tme 17. rääjist
Ohcejohka Šearrá tábáhtus ooleest Onnela Törmäst
Maarit Länsman (1944) lii iäláttuvâst já lii meddâl Skadjanjargast, Ucjuuvâst. Sun lii valmâštum päikkitipšon já porgâm eellimpargos päikkitipšon já peerâpargen Ucjuuvâst. Máret, Ucjuvlij päikkitipšoo, kote ij tuš huolâttâm argâpeeivi pargoin peic meid adelij jieijâs naavcâid mii siärvus pyereestvajemân. Kulttuur oinui já kielâ kullui suu jyehi tavvoost ärbivuovij kattim pyerrin. Suu pargo merhâšume uulât kuhás maaŋgâ suhâpuolvân.
Ohjelmist ei. muusik, nuuvtá siisâpeessâm
Lasetiäđuh
Riitta Orti-Berg
Eromâšäššitobdee
010-839 3103
riitta.orti-berg@samediggi.fi
