Eeʹjj 2026 kulttuurciistid vuäǯǯa Maire Saijets da Maarit Länsman – ciistid jueʹjjet Aanrest 29.5. da Uccjooǥǥâst 19.6.
Sääʹmteeǧǧ kulttuurluʹvddkåʹdd juâkk eeʹjj 2026 kulttuurciist Inari 150 da Uccjooǥǥ 150–juʹhlleeʹjj cisttân Aanrest ååraš Mihkku Elle Maire Saijetsa, da Uccjooǥǥâst ååraš õutstõõzz ǩiõl da kulttuur âʹlnn õõʹnnʼja Rájájon Máret, Maarit Länsmaʹnne.
Kulttuurcistt miõđât ooccǩani da tõn täävtõssân lij luõvted ciist kulttuur raajji leʹbe čeäppõsneǩ cisttân miârkteei tuâjast sääʹm kulttuurjieʹllem pueʹrren.
Maire Saijets (Snimldõk: Riitta Orti-Berg) ja Maarit Länsman (Snimldõk: Jonna Lähteenmäki)
Maire Saijets kulttuurciist juâkkampodd
Piâtnâc 29. vueʹssmannust 2026 čiâss 9–11
Sääʹmkulttuurkõõskõs Sajoozzâst, Aanrest
Sääʹmvuuʹd škooultõskõõskõõzz ǩiđđjuuhlâst
Maire Saijets (1963) duodji -ǩiõtt-tuâj uʹčteeʹl lij šõddâm ǩiõtt-tuâjjpiârrja Aanarjooǥǥ Mihkku -pääiʹǩest, Aanrest. Son lij spraavâm Sääʹmvuuʹd škooultõskõõskõõzzâst sääʹmǩiõtt-tuâjjsueʹrj spesiaalammattituʹtǩǩõõzz, koon mâŋŋa tuejjääm duodji- leʹbe sääʹmǩiõtt-tuâjaid da leämmaž uʹčteeʹlen. Maire mättji juʹn nuõrrân puärrsi ǩiõtt-tuâjjtääidai äärvast âânnmõõžž. Meerlažškooul da Sääʹmvuuʹd škooultõskõõskõõzz kuursin son aaʹlji jiõčč tuejjeed aktiivlânji ǩiõtt-tuâjaid, koʹst piâzzi mättjed jeeʹres materiaalin tuejjuum ǩiõtt-tuâjaid.
Maarit Länsman kulttuurciist juâkkampoodd
Piâtnâc 19. ǩieʹssmannust 2026 čiâss 17. ääʹljeeʹl
Ohcejohka Šearrá šõddmõõžž õhttvuõđâst Onnela Törmäst
Maarit Länsman (1944) jeältõkneǩ lij ååraš Skadjanjargas, Uccjooǥǥâst. Son lij dommhåiddai, tuejjääm jieʹllemtuâjas dommhåiddjeeʹjen da lij leämmaž piârtuâjjliʹžžen Uccjooǥǥâst. Máret, Uccjokkniiʹǩǩi dommhåiddai, kååʹtt õõʹni huõl aarǥ tuâjain, son tuejjii še tuâj õutstõõzz puârastvââjjmõõžž pueʹrren. Kulttuur kuâsttji da ǩiõll leäi teâđast mieʹldd juõʹǩǩ tuâjain äʹrbbvuõđi âʹlnn âânnmõõžžâst. Suu tuâjas miârktõs vuäll kookkas määŋg puõlvvõʹǩǩe.
Prograammâst jm. musiikk, ääv piâssmõš
Lââʹssteađ
Riitta Orti-Berg
Sueʹrǧǧäʹšštobddi
010-839 3103
riitta.orti-berg@samediggi.fi
