Lahâiävtuttâs uđđâ sämitiggelaahân lii ovdánâm lävdikuudij kietâdâlmân

Lahâiävtuttâs uđđâ sämitiggelaahân lii párásist Sämitige lävdikuudij kietâdâlmist. Ciälkkámušrieggee nuuvâi syeinimáánu loopâst já nuurâi masa 50 ciälkkámuššâd virgeomâháin, seervijn já ovtâskâs ulmuin. Sämitige čuákkim kietâdâl lahâiävtuttâs čuákkimistis 14.9. 

Lahâiävtuttâs uđđâ sämitiggelaahân vuolgij celkkim várás kesimáánust já meriäigi ciälkkámuššáid lâi 27.9. Meriääigist ciälkkámušah pottii masa 50 jieškote-uv tooimâst.

– Lam tuđâvâš adelum ciälkkámušâi stuorrâ miärán já halijdâm-uv kijtteđ puoh ciälkkám uásipeelijd. Lii čuuvtij mielâkiddiivâš peessâđ hammiđ ciälkkámušmacâttâsâst oleskove. Sämitige siskáldâs kietâdâllâm álgá lävdikuudijn já ovdán algâčoovčâ ääigi Sämitige tievâsčuákkimân”, iätá eidu paargon iheluámust maccâm Sämitige saavâjođetteijee Tiina Sanila-Aikio.

Váldu-uási sämitiggelahâiävtuttâsâst adelum ciälkkámušâin láá luuhâmnáálá lausuntopalvelu-siijđoin. Ton lasseen uási ciälkkámušâin láá almostittum riehtiministeriö siijđoin.

Lahâiävtuttâs kietâdâllâm ovdánem Sämitiggeest:

• Lävdikodeh adeleh ciälkkámušâidis stiivrân 16.8. rááján
• Stivrâ kietâdâl lahâiävtuttâs čuákkimijnis 17.8. já 31.8.
• Sämitiggelaavâ 9 § miäldásâš ráđádâllâm riehtiministeriöin 20.8.
• Sämitige čuákkim kietâdâl lahâiävtuttâs čuákkimistis 14.9.

Lasetiäđuh:

Sämitige saavâjođetteijee Tiina Sanila-Aikio puh. 050 300 1780, tiina.sanila-aikio(at)samediggi.fi