Puáđi čuávvuđ nettivuolgâttâs sämitiggelaavâ nubásmitmist
Sämitigge uárnee nettivuolgâttâs sämitiggelaavâ nubásmitmist majebaargâ kesimáánu 8. peeivi 2021 tme 18-20. Tun puávtáh vuolgâttiđ muuneeld koččâmušâid vuolgâttâs várás.
Manen lii tárbu uđâsmittiđ Sämitiggelaavâ? Moh láá toimâkode kuávdáš iävtuttâsah? Moin naalijn uđâsmittem vaiguttiččii eidu muu elimân? Maht äšši oovdân čuávuvâžžân?
Sämitiggelahâtoimâkode jesâneh, kiäh láá Sämitige iävtuttâsâst nomâttum, västideh vuolgâttâsâst tii koččâmuššáid sämitiggelaavâ nubásmitmist. Vuolgât koččâmâš kesimáánu 4. peeivi 2021 räi.
Nettivuolgâttâs puáhtá čuávvuđ čujottâsâst www.samediggi.fi/live
Tilálâšvuođâst lii tulkkum.
Sämitiggelaavâ nubásmittem valmâštâllee toimâkode smiettâmuš ađai iävtuttâs almostui 11.5.2021. Riehtiministeriö asâttij sämitiggelaavâ nubásmittem valmâštâllee toimâkode ááigán 1.12.2020-15.5.2021. Riehtiministeriö kansliahovdâ Pekka Timosii jođettem toimâkoddeest lijjii Sämitige já haldâttâspiäláduvâi ovdâsteijeeh.
- Luuvâ toimâkode smiettâmuš täst
- Luuvâ lase sämitiggelaavâ nubásmitmist: https://samediggi.fi/samitiggelaava-nubasmittem/?lang=an
- Hahâsijđo: https://oikeusministerio.fi/hanke?tunnus=OM002:00/2020
Lasetiäđuh:
Tuomas Aslak Juuso
Saavâjođetteijee
040 687 3394
tuomas.juuso(at)samediggi.fi
Anni Koivisto
I värisaavâjođetteijee
040 415 5969
anni.koivisto(at)samediggi.fi
Johanna Alatorvinen
viestâdemčällee
040 663 4493
johanna.alatorvinen(at)samediggi.fi
