Puäʹđ seuʹrrjed neʹttvuõlttõõzz sääʹmteʹǧǧlääʹjj muttsest
Sääʹmteʹǧǧ reäšš neʹttvuõlttõõzz sääʹmteʹǧǧlääʹjj muttsest mââibaarǥ ǩieʹssmannu 8. peeiʹv čiâss 18-20. Vuäitak vuõltteed ouddǩiõʹtte kõõččmõõžžid vuõlttõõzz vääras.
Mõõn diõtt lij tarbb oođeed sääʹmteʹǧǧlääʹjj? Mõõk lie tåimmkååʹdd tääʹrǩmõs eʹtǩǩõõzz? Mäʹhtt oođummuš vaaikteʹči muu jieʹllma? Mäʹhtt äʹšš ouddan täʹst ooudâs?
Sääʹmteʹǧǧlääʹǩǩtåimmkååʹdd vuäzzla, kook lie Sääʹmteeʹǧǧ eʹtǩǩõõzzâst nõõmtum, vaʹsttee neʹttvuõlttõõzzâst tij kõõččmõõžžid kuõskeeʹl sääʹmteʹǧǧlääʹjj muttâz. Vuõlttâd kõõččmõõžž ǩieʹssmannu 4. peeiʹv 2021 mõõneeʹst.
Neʹttvuõlttõõzz vuäitt seuʹrrjed addrõõzzâst www.samediggi.fi/live
Šõddmõõžžâst lij tuʹlǩǩummuš.
Sääʹmteʹǧǧlääʹjj muttâz valmštõõllâm tåimmkååʹdd smiõtldõk leʹbe eʹtǩǩõs lääʹǩǩmuttsin õlmstõʹtteš 11.5.2021. Vuõiggâdvuõttministeria šiõttii sääʹmteʹǧǧlääʹjj muttâz valmštõõlli tåimmkååʹdd ääiǥas 1.12.2020-15.5.2021. Vuõiggâdvuõttministeria kansliajååʹđteei Pekka Timonen jååʹđtem tåimmkååʹddest leʹjje Sääʹmteeʹǧǧ da halltõspeällõõǥǥi eeʹttkõʹstti.
- Looǥǥ tåimmkååʹdd smiõtldõõǥǥ täʹst
- Looǥǥ lââʹzz sääʹmteʹǧǧlääʹjj muttsest: https://samediggi.fi/saamelaiskarajalain-muutos/
- Haʹŋǩǩõs-seidd: https://oikeusministerio.fi/hanke?tunnus=OM002:00/2020
Lââʹssteâđ:
Tuomas Aslak Juuso
Saaǥǥjååʹđteei
040 687 3394
tuomas.juuso(at)samediggi.fi
Anni Koivisto
I väärrsaaǥǥjååʹđteei
040 415 5969
anni.koivisto(at)samediggi.fi
Johanna Alatorvinen
Saaǥǥtempiisar
040 663 4493
johanna.alatorvinen(at)samediggi.fi
