Boađe čuovvut neahttasáddaga sámediggelága nuppástusa birra
Sámediggi lágida neahttasáddaga sámediggelága nuppástusas disttaga geassemánu 8. beaivve 2021 dmu 18-20. Sáhtát sáddet ovddalgihtii gažaldagaid sáddaga várás.
Manin sámediggelága lea dárbu ođasmahttit? Mat leat doaibmagotti guovddáš evttohusat? Man láhkai ođastus váikkuhivčče justa mu eallimii? Man láhkai ášši ovdána čuovvovaččat?
Sámediggeláhkadoaibmagotti lahtut, geat leat Sámedikki evttohusas nammaduvvon, vástidit sáddagis din gažaldagaide, mat gusket sámediggelága nuppástusa. Sádde gažaldaga geassemánu 4. beaivve 2021 rádjai.
Neahttasáddaga sáhttá čuovvut čujuhusas www.samediggi.fi/live
Dilálašvuođas lea tulkon.
Sámediggelága nuppástusa válmmaštallan doaibmagotti smiehttamuš dehege evttohus láhkanuppástusain olggosaddui 11.5.2021. Vuoigatvuođaministeriija ásahii doaibmagotti áigái 1.12.2020-15.5.2021. Vuoigatvuođaministeriija kansliijahoavda Pekka Timonen jođihan doaibmagottis ledje Sámedikki ja ráđđehusbellodagaid ovddasteaddjit.
- Loga doaibmagotti smiehttamuša dás
- Loga lasi sámediggelága nuppástusas: https://samediggi.fi/saamelaiskarajalain-muutos/
- Prošeaktasiidu: https://oikeusministerio.fi/hanke?tunnus=OM002:00/2020
Lassidieđut:
Tuomas Aslak Juuso
ságajođiheaddji
040 687 3394
tuomas.juuso(at)samediggi.fi
Anni Koivisto
I várreságajođiheaddji
040 415 5969
anni.koivisto(at)samediggi.fi
Johanna Alatorvinen
dieđihančálli
040 663 4493
johanna.alatorvinen(at)samediggi.fi
