Säminuorâi taaiđâtábáhtus já Nuori Kulttuuri On Air Aanaar kiđđuv 2024

Säminuorâi taaiđâtábáhtus uárnejuvvoo Anarist 24.-25.4.2024. Tábáhtusâst väljejuvvoo ovdasteijee Nuori Kulttuuri On Air Aanaar-tábáhtusân, mii uárnejuvvoo 11.5.2024.

Tanssija lavalla.
Kove: Ville Fofonoff

Sämitigge uárnee ive 2024 säminuorâi taaiđâtábáhtus Anarist, sämikulttuurkuávdáš Sajosist 24.-25.4.2024. Säminuorâi taaiđâtábáhtusâst väljejuvvoo ovdâsteijee riijkâvijđosâš Nuori Kulttuuri-tábáhtusân, mii uárnejuvvoo uásitábáhtussân kuuđâ sierâ päikkikoddeest lávurduv 11.5.2024 Tavemus uásitábáhtus Nuori Kulttuuri On Air Aanaar uárnejuvvoo sämikulttuurkuávdáš Sajosist.

Säminuorâi taaiđâtábáhtusâst láá nelji teema, tego riijkâvijđosâš tábáhtusâst: čäittee taaiđâšlaaijân láá tanssâ sehe sämmilâš ärbivuáválâš vookaalmuusikšlaajah leudd, livđe já luohti.  Lasseen teeman láá uánihisfilmâ sämmilâš kulttuuräärbist sehe kovetaaiđâ fáddán kulttuurpiirâs. Jyehi teemast láá kulmâ aheluoka: 6-8 ihásiih, 9-12-ihásiih sehe 13-20 ihásiih. Taaiđâtábáhtus lii ávus teemaid uásálistee vuáđuškoovlâ já nube tääsi sämikielâ máttááttâsâst leijee párnáid já nuoráid.

Säminuorâi taaiđâtábáhtus 2024 njuolgâdusah:

1. Säminuorâi taaiđâtábáhtusân pyehtih uásálistiđ vuáđuškoovlâ já nube tääsi sämikielâi máttááttâsâst leijee 6-20-ahasâš párnááh já nuorah.

2. Taaiđâtábáhtus kielân láá nuorttâsämikielâ, aanaarsämikielâ já tavesämikielâ.

3. Taaiđâtábáhtusâst lii nelji teema (sajeh 4-7).

4. Uánihisfilmâ

  • Uánihisfiilmâ fáddán lii sämmilâš ärbivuáválâš tiätu (ärbivyehi, ärbitiätu).
  • Raavâ:  Lah-uv oppâm sämmilâš ärbivuáválâš pargoid teikkâ tááiđuid? Maaŋgah pargovyevih iäláttâsâin, tyejeest, päikkinoomâin, livđuumist, juoigâmist, leuddaamist, oskomušâin já luándust jotteem aneh sistees sämmilâš ärbivuáválâš tiäđu. Čääiti fiilmâ peht sämmilâš ärbivuáválâš tiäđu já jieijâd uásálistmâd ärbivyevi uáppen teikkâ sirden.
  • Fiilmâst kalga čäittiđ sämmilâš ärbivuáválâš tiätun já tááiđuid lohtâseijee siskáldâs. Tot puáhtá leđe räijejum oovtâ fáádán teikkâ vijđásub muštâlmân fáádást.
  • Fiilmâst puáhtá leđe eres ulmuuh, ko jieš uásálistee.
  • Filmâ kovvejuvvoo puhelimáin teikkâ tablettiäturáin. Filmâ puáhtá leđe ciägu- teikkâ láskud.
  • Fiilmâ kukkodâh puáhtá leđe enâmustáá 3 miinut.

5. Kovetaaiđâ

  • Kovetaiđuu fáddán lii sämmilâš kulttuurenâdâh já kulttuurpiirâs.
  • Raavâ:  Aasah-uv tun kyelipivdopaaihij alda vâi tuodârkuávlust? Tiäđáh-uv tun mast päikki lii finnim noomâs? Maggaar lii sämmilâš enâdâh? Maid pargoid jyehi iveääigi sämmiliih taheh tiätu paaihijn?
  • Kove ráhtoo kovetaiđuu vuovijguin. Kove olášuttem puáhtá leđe máálám (akryyl, oljo teikkâ akvarel), sáárgus (ivneliiduh, tuopâpennâ teikkâ illâ) siähátekniik (jieškote-uvlágán tekniikai ovtâstittem)
  • Paargon iä kevttuu tiätumaašin ohjelmeh.
  • Pargo stuárudâh: A 3.

6. Leuʹdd, livđe, luohti

  • Luohti, livđe teikkâ leuʹdd oovdânpuáhtoo ohtuu teikkâ juávhust.
  • Oovdânpyehtim puáhtá anneeđ sistees oovtâ teikkâ maaŋgâid juáigusid, livđijd já/teikkâ leuddijd.
  • Oovdânpyehtimist puáhtá kevttiđ čuojâldittim. Tuáváášpäädi kevttim ij lah suovvum.
  • Oovdânpyehtim kukkodâh puáhtá leđe enâmustáá 5 miinut.

7. Tanssâ

  • Tanssâšlaajâ lii rijjâ já tot puáhtá leđe soolo- teikkâ juávkkutanssâ. Taansâ fáddá lii rijjâ.
  • Tanssâ oovdânpuáhtoo tuáváášpaddijn. Tuáváášpäddi puáhtá leđe sämimuusik teikkâ jienâmaailm. Tuáváášpäddin puáhtá kevttiđ jienâpäädi mii lii jieš rahtum teikkâ kiännii nube pargo.
  • Tuáváášpäddi, mon taarbâš oovdânpyehtimist, toimâttuvvoo tábáhtus uárnejeijei ovdâkietân.
  • Oovdânpyehtim kukkodâh puáhtá leđe enâmustáá 5 miinut.

8. Puoh šlaajâin lii kulmâ aheluoka:

  • 6–8-ihásiih
  • 9–12-ihásiih
  • 13–20-ihásiih

9. Vuálá 13-ihásiih pyehtih uásálistiđ olesahasii stivriimist.

Nuori Kulttuuri On Air

Lasetiäđuh:

Bigga-Helena Magga, škovlimčällee
bigga-helena.magga@samediggi.fi
010 839 3121


Jyevi siijđo ovdâskulij

Eres uđđâseh